Ný alþjóðleg stikla er komin fyrir spennutryllinn Snowpiercer, sem Tómas Lemarquis leikur í meðal annarra. Myndin gerist í framtíðinni og er byggð á frönsku teiknimyndasögunni Le Transperceneige.
Eftir misheppnaða tilraun til að koma í veg fyrir hnattræna hlýnun, þá drepur ný ísöld allt líf á plánetunni fyrir utan íbúa SnowPiercer, lestar sem ferðast um heiminn og er knúin áfram af dularfullri eilífðarvél. Stéttarskipting verður til innan lestarinnar en bylting kraumar undir niðri.
Sjáðu stikluna hér fyrir neðan:
Með aðalhlutverk í myndinni fara þau Chris Evans, Song Kangho, Tilda Swinton, Jamie Bell, Octavia Spencer, Ewen Brewmner, Alison Pill, John Hurt og Ed Harris. Leikstjóri er Joon-ho Bong
