Sjónvarpsstjarnan Cheryl Hines, 48 ára, giftist í gær inn í Kennedy fjölskylduna bandarísku, þegar hún giftist Robert F. Kennedy Jr., 60 ára. Þau giftu sig heima hjá Kennedy fjölskyldunni í Hyannis Port á Cape Cod.
Hines er þekkt fyrir leik sinn í þremur þáttaröðum af ABC gamanþáttunum Suburgatory, sem hætt var sýningum á í maí sl. Áður hafði hún fengið tvær tilnefningar til Emmy verðlaunanna fyrir leik sinn í HBO sjónvarspþáttunum Curb Your Enthusiasm, en þar lék hún eiginkonu Larry David, höfundar og aðalleikara þáttanna, sem sést með henni á meðfylgjandi mynd.
Kennedy er sonur Robert F. Kennedy og náfrændi John F. Kennedy, fyrrum forseta Bandaríkjanna. Hann vinnur sem umhverfislögfræðingur.
Þetta er þriðja hjónaband Kennedy, en annað hjónaband Hines.