Ný stikla er komin fyrir endurgerðina af rómantísku gamanmyndinni About Last Night sem margir muna eftir, en í upprunalegu myndinni léku margir valinkunnir leikarar sem voru að stíga sín fyrstu spor í Hollywood, eins og Rob Lowe, Demi Moore, Jim Belushi og Elizabeth Perkins. Leikstjóri var Ed Zwick, en myndin var byggð á leikritinu Sexual Perversity in Chicago eftir David Mamet.
Í endurgerðinni leika aðalhlutverk þau Kevin Hart, Regina Hall, Michael Ealy, Joy Bryant, Paula Patton og Christopher McDonald.
About Last Night fjallar um sölumennina og bestu vinirnir Danny og Bernie en þeir eru piparsveinar sem lifa villtu og skemmtilegu lífi. En þegar Danny hittir Debbie á barnum og þau hefja ástarsamband eftir einnar nætur gaman, þá tekur líf Danny aðra stefnu. Hvernig mun þetta ástríðufulla einnar næstur gaman breytast í alvöru samband, og hvaða áhrif mun þetta hafa á þau bæði og á bestu vini þeirra? Vinir þeirra, þau Joan og Bernie reyna ítrekað að eyðileggja sambandið, og að lokum, fimm mánuðum síðar, hættir Danny með Debbie sem er verður alveg niðurbrotin, og flytur inn til Joan. Á meðan áttar Danny, sem hefur þroskast á þessum tíma með Debbie, sig á að hann saknar Debbie, en það gæti verið orðið of seint að bjarga sambandinu.
Myndin kemur í bíó 14. febrúar nk.
Kíktu á stikluna og sjáðu hvort að þessi mynd líti út fyrir að vera betri en sú upprunalega!
