Fyrsta sýnishornið úr Transformers: Age of Extinction var frumsýnt í hléi á leik Seahawks og Broncos í úrslitum ameríska fótboltans rétt í þessu. Kvikmyndin skartar Mark Wahlberg í aðalhlutverki og má búast við sprengingum og tæknibrellum ef marka má fyrri myndir.
Í sýnishorninu sem er aðeins 38 sekúndur að lengt má m.a. sjá Mark Wahlberg á hlaupum, vélmenni sem notast við fallhlíf í háloftunum og síðast en ekki síst má sjá Optimus Prime ríðandi á risaeðluvélmenni.
