Frá leikstjóra Pineapple Express og Your Highness kemur gamanmynd um verstu barnapíu í heimi, sem neyðist til að passa einhverja verstu krakka í heimi. Myndin heitir The Sitter og vilja sumir meina að hér sé á ferðinni óformleg endurgerð á Adventures in Babysitting, en hvort sem fólki líkar það betur eða verr þá hefur aðalleikari myndarinnar, Jonah Hill, sjálfur lofað afskaplega smekklausri og grófri gamanmynd. Í aukahlutverkum eru Ari Graynor, Bruce Altman og Sam Rockwell. Myndin er frumsýnd í kringum jólin í Bandaríkjunum og ætti að rata hingað eftir áramót.
Hér sjáið þið plakat myndarinnar:
