Peter Jackson leiðir okkur í gegnum síðustu tökudaga The Hobbit í nýju myndbroti frá tökustað The Hobbit-þríleiksins í Nýja Sjálandi. Jackson hefur verið duglegur í gegnum tíðina að sýna aðdáendum sínum á bakvið tjöldin við gerð kvikmynda sinna.
Í nýjasta mynbrotinu sýnir Jackson okkur alla þá vinnu sem fer í að koma öllum aftur á tökustað til þess að taka upp myndefni sem annaðhvort vantaði eða var bætt við (e. pickup shoot).
Jackson segir einnig frá því í mynbrotinu að hann og aðalleikarar The Hobbit-þríleiksins munu ekki vera á Comic Con þetta árið, einfaldlega útaf því að tökur séu yfirstandandi sömu viku og Comic Con.
Orlando Bloom kvaddi samstarfsfólk sitt fyrir nokkrum dögum eftir að hann lauk sínu starfi sem Legolas í The Hobbit-þríleiknum. Bloom virtist vera mun glaðari heldur en meðleikari hans, Sir Ian McKellen, sem brast í grát eftir að hann lauk tökum. Bloom var langt frá því að tárast og brast í söng við eitt af vinsælustu myndbrotum á internetinu af honum sjálfum.
