Nýir stjörnuleikarar í Exodus

aaron paulBreaking Bad stjarnan Aaron Paul, leikkonan Sigourney Weaver og leikararnir John Turturro og Ben Kingsley eru öll á leið í Biblíumyndina Exodus eftir Ridley Scott, en það er Christian Bale sem fer með aðalhlutverkið í myndinni, hlutverk Móses.

Samkvæmt Variety kvikmyndaritinu á Paul enn í viðræðum við frameiðendur, en Weaver og Turturro eru búin að semja.

Weaver og Turturro munu leika foreldra egypska faraósins Ramses II, þau Seti og Tuya, SigourneyWeaveren með hlutverk Ramses II fer Joel Edgerton, eins og við sögðum frá hér á kvikmyndir.is á dögunum.  Paul mun leika hebreskan þræl og Kingsley mun leika hebreskan fræðimann.

Tökur eiga að hefjast nú í september á Englandi, Spáni og í Marokkó.