Ný stikla er komin út fyrir teiknimyndina How to Train Your Dragon 2. Allt virðist í himnalagi í víkingaþorpinu Berk í þessari stiklu, sem hefst á því að þeir félagarnir Hiccup, sem Jay Baruchel talar fyrir, og drekinn Toothless eru að fíflast saman á fjallstindi.
„Drekar voru eitt sinn vandamál, en nú eru þeir allir fluttir til okkar,“ segir Hiccup. „Og þegar víkingar eru komnir á drekabak, þá hefur heimurinn stækkað þónokkuð mikið.“
En hættur eru þó enn til staðar og þeir Hiccup og Toothless verða að koma til bjargar. Á leiðinni hitta þeir löngu týnda móður Hiccup, eins og sést í stiklunni. Móðirin, sem leikin er af Cate Blanchett, bjargar og þjálfar dreka og deilir þekkingu sinni með syni sínum og öðrum þorpsbúum.
Aðrir helstu leikarar eru Kristen Wiig, Jonah Hill, Gerard Butler, Christopher Mintz-Plasse, America Ferrera og Craig Ferguson.
How to Train Your Dragon 2 kemur í bíó 13. júní, 2014.