Gagnrýni eftir:
The Butterfly Effect0 af 0 fannst gagnrýnin hjálpleg
Ég hef ætið haft gaman af myndum sem snúast um tímaflakk eða eitthvað sem hefur áhrif á tímalínu söguhétju viðkomandi myndar. Undanfarin misseri hefur ein og ein mynd sem flokkast getur undir þennan hóp litið dagsins ljós en því miður hafa þær ekki verið uppá marga fiskana. En loksins er hér komin mynd sem er eitthvað varið í. Allavega svalaði þessi mynd mínum þorsta fyrir mynd af þessari gerð. Ef þú lesandi góður hefur gaman af svona tíma-flækju-myndum mæli ég eindregið með að þú látir þessa ekki framhjá þér fara.
No Such Thing0 af 0 fannst gagnrýnin hjálpleg
Halló Hafnarfjörður, hvað er í gangi. VÁ!!! Þetta er brjálæðislega léleg og heimskuleg mynd. Ég veit ekki hvar ég á að byrja eða enda í minni upptalningu um hvað það er sem gerir myndina lélega, held það sé bara allt. Fæ varla skilið hvað það var sem fékk mig til að klára að horfa á þessa mynd. Mæli eindregið með því að fólk sleppi því að horfa á þessa mynd.
Birthday Girl0 af 0 fannst gagnrýnin hjálpleg
Hér er á ferðinni svona LA LA mynd. Mæli með henni sem video mynd í miðri viku. Myndin veltir upp því fyrirbæri sem kallast stefnumótaþjónusta milli landa. Í þessu tilviki er dottið niður á ferlið Rússneskar konur að kynnast erlendum mönnum. Aðalhetjan í myndinni er frá Englandi og er að kynnast konu frá Rússlandi. Ekkert athugavert við það nema að hún skilur ekki orð í ensku. Síðar koma tveir kunningjar hennar frá Rússlandi í heimsókn og þá fara hlutirnir að gerast. Svona það fyrsta sem gerist að nú er einhver kominn sem skilur bæði ensku og rússnesku. En svo gerist margt fleira sem ég vill ekki segja frá.
Dragonfly0 af 0 fannst gagnrýnin hjálpleg
Þessi mynd kom mér nokkuð á óvart. Svona í megin atriðum er þessi mynd um mann sem missir konu sína og barátu hans við að takast á við þann missi. Upp koma ýmsar vangaveltur um hvað býður okkar eftir lífið. Einnig er tekist á við tengsl milli veruleikans og þess að handan. Söguþráðurinn er af þeirri gerð þar sem myndin gengur út á að byggja þig undir endirinn. En ekki örvænta því endirinn er góður en kemur svo sannarlega á óvart. Athuga ber að þetta er alvarleg mynd um sorg og hamingju því skortir þessa mynd algerlega hasar og húmor enda á slíkt ekki við í þessari mynd. Ég mæli eindregið með þessari.
Resident Evil0 af 0 fannst gagnrýnin hjálpleg
Ef þetta eru ekki mistök frá A til Ö þá veit ég ekki hvað. Hér ber að líta án nokkurs vafa eina sem kemst beint á top 10 yfir verstu myndir á þessu ári. Söguþráðurinn er gersamlega út úr kú. Þessi mynd býður manni akkúrat ekki upp á neitt. Ef það hefði ekki verið fyrir Millu Jovovich þá hefði þessi mynd áræðanlega aldrei farið í bíó.
Lara Croft: Tomb Raider0 af 0 fannst gagnrýnin hjálpleg
Í þessari mynd er Angelina Jolie ekki í aðalhlutverki heldur eru það brjóstin á henni. Allavega tók ég ekki eftir því að hún væri að leika í myndinni því augu mín voru alfarið á barminum. Ég var að spá í að gefa þessari mynd hálfa stjörnu því líklega er skemmtilegra að horfa á myndina en að vaska upp. En eftir smá umhugsun hefði ég betur eitt tíma mínum í uppvask því fær myndin enga stjörnu. Ég bara skil ekki að menn skuli búa til mynd með svona hroðalega lélegt handrit. Í myndinni á að vera svona Indiana Jones fýlingur en gerir myndina enn lélegri. 800 kr á þessa mynd er betur varið í framlagi til liknarfélaga.
One Night at McCool's0 af 0 fannst gagnrýnin hjálpleg
Þessi mynd er hreint út sagt frábær. Mjög vel upp byggð þar sem myndin er allan tíman að leggja grunninn að þessum líka geggjaða endi. Ég ætlaði varla að geta staðið upp eftir loka atriði myndarinnar ég hló svo svakalega. Einkar skemmtilegt að sjá Andrew Dice Clay bregða fyrir í þessari mynd. Ógleymanlegur náungi eftir leik hans í 'The Adventures of Ford Fairlane' frá því 1990. Mæli eindregið með þessari.