Gagnrýni eftir:
You Only Live Twice0 af 0 fannst gagnrýnin hjálpleg
Kjánaleg en samt bondari 
Fimmta bond myndin og ein sú slappasta.
myndin er alltaf of langdregin og söguþráðurinn kjánalegur.
Samt getur maður vel skemmt sér yfir henni, þetta er bara slöpp mynd miðað við aðrar bond myndir.
Eitt af kjánalegri atriðum í mydinni er þegar bond er breitt í japana til þess að þekkjast ekki og labbar um á meðal annara japana töluvert hærri og breiðari og líkist japana ekki neitt en samt grunar engan neitt.
Svo er mikið af leiðindagöllum í myndini og eitt það asnalegasta er þegar bond er að flýgja undan öðrum bíl og þyrla kemur með risa segul og seglar hinn bílinn upp og bjargar þannig bond.
Á meðan bond er að keyra áfram horfir hann á í sjónvarpi í bílnum hvar þyrlan flýgur með hinn bílinn og varpar honum í sjóinn, og myndavélin er allantíman að mynda þyrluna á meðan hún flýgur.
En eins og ég segi þá er þetta samt bondari og því skylduáhorf fyrir alla bond aðdáendur
Paparazzi0 af 0 fannst gagnrýnin hjálpleg
Ótrúverðug og kjánaleg. Þessi mynd var nú ekki alveg að gera sig fyrir mig.
Myndin er mjög svo óraunsæ og kjánaleg og sýnir Paparazzi ljósmyndara sem algjörar skepnur og nánast verri en nauðgara og perrverta.
Ekki ætla ég að verja Paparazzi gaura en hvernig myndin sýnir þá er bara kjánalegt.
MÍ stuttu máli fjallar myndin um Bo Laramie sem er kvikmyndastjarna á uppleið og þegar hópur af paparazzi ljósmyndurum verða frekar ágengir við að taka myndir af honum og fjölskyldu hans og ógna þannig lífi þeirra, ákveður hann að taka málin í sínar hendur.
Mjög svo ótrúverðug mynd og kjánaleg
American Dreamz0 af 0 fannst gagnrýnin hjálpleg
Fín hugmynd en er ekki að gera sig Veit ekki alveg hversu mikið ég ætti að skrifa um jafn þunna mynd og "American Dreamz" en hún sýnir samt vel hvernig sjónvarpsefni er að verða í dag, þunnt, leiðinlegt og endalausir raunveruleikaþættir.
Allir sem horfa á myndina átta sig strax á hverju verið er að gera grín að, raunveruleika þáttum, George Bush og stelpum sem gera hvað sem er til þess að komast í sjónvarpið og verða frægar.
Mynd í meðallagi sem væri í lagi að horfa á ef ekkert væri á öðrum sjónvarpsstöðvum, videoleigan lokuð og eingin heima til að spila við.
Capote0 af 0 fannst gagnrýnin hjálpleg
Fínasta afþreying, fyrir þá sem eru ekki að leita sér að svakalegri spennumynd þar sem að lágmarki 75 manns verða að vera drepnir til þess að hægt sé að horfa á hana.
Philip Seymour Hoffman sínir hér að hann er einfaldlega einn allra besti leikari í heiminum í dag, og er ég viss um að myndin værir ekki jafn góð og hún í raun er ef ekki værir fyrir hann.
Look Who's Talking Now0 af 0 fannst gagnrýnin hjálpleg
Þetta er svona þolanleg fjölskyldumynd, en börn yngri en 10 ára myndu kanski hafa gaman af henni.
Leiðinlegt þegar að ágætis myndir eins Look Who's Talking koma út og gera ágæta hluti að það þurfi alltaf að koma framhaldsmynd sem er gerð bara til þess að græða pening, og svo er gerð mynd númer 3 og hún gerð bara til þess eins að krúnka út aðeins meiri pening.
The Producers0 af 0 fannst gagnrýnin hjálpleg
Þrælskemtileg mynd með Zero Mostel og Gene Wilder í aðalhlutverkum í leikstjón Mel Brooks.
Gene Wilder var nánast óþektur leikari þegar hann lék í þessari mynd, og engin vissi hver Mel Brooks var.
Þetta var fyrsta myndin sem Mel Brooks leikstýrði og munaði litlu að þetta yrði einnig hans sýðasta, því hún fékk nánast enga kynningu þegar hún kom út og fáir höfðu áhuga á að sjá hana.
Það var ekki fyrr en um ári seinna sem Peter Sellers sá þessa mynd fyrir slysni, og vakti hann athygli á henni.
Þá fyrst fór boltinn að rúlla og vann þessi mynd til óskarsverðlauna fyrir besta handrit og Gene Wilder tilnefndur til óskars sem besti aukaleikari.
Eftir þesssa mynd komu svo snilldar myndir með Gene Wilder í aðalhlutverki í leikstjórn Mel Brooks, Blazing Saddles og Young Frankenstein.
Borat0 af 0 fannst gagnrýnin hjálpleg
Tvímælalaust ein fyndnasta mynd síðustu ára.
Þegar ég kom út úr bíóinu eftir að hafa séð myndina, þá langaði mig bara að fara beint aftur inn og horfa á hana aftur.
Sacha Baron Cohen fer hér á kostum í hlutverki Borat Sagdiyev, Kazekstans fréttamans sem kemur til Bandaríkjana og ætlar að gera heymildarmynd um bandaríska menningu.
En Borat, þessi einfaldi og barnalegi fréttamaður, sem þekkir ekkert til vestrænar menningar, tekst með sínum einfaldleika að gera grín að næstum öllum sem hann kemst í kynni við, feministum, ofsatrúarfólki, sígaunum og gyðingum.
Það sem fólk þarf að hafa í huga þegar það sér þessa mynd er að það eru engir leikarar í henni, nema Sacha Baron Cohen sjálfur í gervi Borat, og Ken Davitian sem leikur félaga Borat Azamat Bagatov.
Allir aðrir vita ekki betur en að þetta sé maður frá Kazekstan, að gera heimildarmynd um Bandaríska menningu.
The Matador0 af 0 fannst gagnrýnin hjálpleg
Mynd sem kemur bara nokkuð á óvart.
Gaman líka að sjá Pierce Brosnan leika allt annan karakter en James Bond, og sýnir hann það hér mjög vel að hann getur leikið taugaveiklaðan leigumorðingja, jafnt sem töffarann 007.
The Whole Ten Yards0 af 0 fannst gagnrýnin hjálpleg
Alls ekki jafn góð og fyrri myndin, og í raun var þessi mynd mikil vonbrigði.
Ég var ekki alveg viss hvað ég ætti að gefa henni margar stjörnur, og var ég að hugsa um að gefa eina og hálfa stjörnu, en ákvað svo að hafa þær tvær þar sem hún myndin var þokkaleg heilt yfir.
Bruse willis var mjög góður, en Matthew Perry fannst mér frekar dapur og ofleika mjög svo á köflum.
Fun with Dick and Jane0 af 0 fannst gagnrýnin hjálpleg
Þetta er endurgerð af mynd frá 1977 , sem hét sama nafni og skartaði leikurunum George Segal og Jane Fonda.
Ég hef nú ekki séð þá mynd, en langar mikið til þess eftir að hafa séð þessa.
Jim Carrey hefur alltaf verið í svolittlu uppáhaldi hjá mér og hann var mjög góður í þessari mynd.
Þetta er fín mynd fyrir fjölskylduna til að horfa á ef velja á góða grínmynd
Mr. 30000 af 0 fannst gagnrýnin hjálpleg
Ágætis mynd með Bernie Mac í aðalhlutverki.
Fjallar um mann að nafni Stan Ross (Bernie Mac) og er hann hafnaboltahetja. Þegar Stan telur sig hafa slegið sitt 3000 högg, ákveður hann að hætta að spila hafnabolta á miðju leiktímabili, þar sem að hann hefur unnið sér rétt til þess að vera tekinn inn í frægðarhöll hafnarboltans. 9 árum seinna þegar það á að taka hann opinberlega inn í frægðarhöllina, kemur í ljós að það hafði verið talið vitlaust og hann hafði aðeins slegið 2997 högg. og því vantaði honum 3 högg upp á að ná 3000 högga markinu.
Hann ákveður því að koma sér í form og byrja aftur að spila hafnabolta, til þess að geta slegið þessi 3 högg sem uppá vantar.
En það er hægara sagt en gert fyrir nærri 50 ára gamlan mann sem hefur ekki spilað í 9 ár.
Ice Age: The Meltdown0 af 0 fannst gagnrýnin hjálpleg
Oftast þegar einhver mynd hefur slegið í gegn, og mynd nr 2 er svo gerð, vill það oftast verða þannig að sú mynd verður langt frá því að vera jafn góð og mynd nr 1.
Ice Age 2 er hinsvegar alveg þræfyndin og er ekkert sýðri en fyrri myndin.
Þetta er teiknimynd sem öll fjöldskyldan getur haft gaman af.
War of the Worlds0 af 0 fannst gagnrýnin hjálpleg
Góð mynd sem hefði getað orðið betri ef að Tom Cruise hefði ekki leikið í henni.
Ekki það að hann hafi verið svo lélegur í myndini, því hann er fínn leikari.
Hann fer bara svo í skapið í mér að ég gersamlega þoli hann ekki, og er það aðalega þessi vísindatrú vitleysa hans, og það hvernig hann hagar sér þegar hann er ekki að leika.
Tæknibrellurnar í þessari mynd eru mjög flottar.
Góð mynd sem gæti samt verið betri.
Dragonfly0 af 0 fannst gagnrýnin hjálpleg
Það er alltaf gaman þegar maður horfir á mynd og maður veit ekkert við hverju maður á að búast, og myndin er svo góð.
Það var raunin með þessa mynd.
Ég vissi ekkert um hana og svo var þetta líka þessi fína afþreying.
Ég hef mjög gaman af svona dulrænum myndum og þessi klikkar ekki.
Oftast er ég búinn að fatta plottið í svona myndum áður en þær eru búnar, en svo var ekki í þessari mynd, því hún er als ekki svo fyrirsjáanleg.
Mæli með þessari fyrir þá sem vilja taka mynd sem er ekki eintómir hasar í, og hafa gaman af dulrænum atburðum.
Strákarnir okkar0 af 0 fannst gagnrýnin hjálpleg
Ein af lélegustu myndum sem gerðar hafa verið á Íslandi.
Hugmyndin er af myndini er kanski góð (fótbolltalið sem eingöngu er skipað hommum), en það er ekki nóg að hafa góða hugmynd og framkvæma hana, þú verður að hafa góða og framkvæma hana vel.
Brandararnir eru þreyttir og gamlir, og leikurinn var ömurlegur.
Veggfóður: erótísk ástarsaga0 af 0 fannst gagnrýnin hjálpleg
Flest allar myndir sem Júlíus Kemp hefur komið nálægt eru rusl, og er þessi ekkert undanskilin.
Í mynningunni er þetta þokkalegasta mynd, en þegar maður sér hana aftur, og þá aðeins þroskaðri en þegar myndin kom út, þá sér maður hverslags rusl þetta er.
Jú jú, það eru ágætis brandarar í myndini, og maður nær að glotta einstakasinnum, en flest annað er ömurlegt.
Flightplan0 af 0 fannst gagnrýnin hjálpleg
Get ekki sagt að þessi mynd hafi komið mér á óvart.
Reyndar var þessi mynd nákvæmlega eins og ég hélt.
Reyndar fattaði ég ekki plottið starx, en það er nóg að horfa á hulstrið af spóluni og maður fattar hvernig mynd þetta er.
Þetta er frekar ófrumleg mynd og svo fanst mér leikurinn hjá Jodie Foster alls ekki góður.
Mér hefur alltaf fundist Jodie Foster vera fín leikkona, en hérna er hún bara ekki að gera það gott.
En samt í heildina litið, þá er þetta þolanlegasta mynd, og ekki alslæm.
The Ladykillers0 af 0 fannst gagnrýnin hjálpleg
Coen bræður hafa lengi verið í uppáhaldi hjá mér.
Þessi mynd skilur kanski ekki mikið eftir sig, og maður verður sennilegast fljótur að gleyma henni, (þannig að maður getur horft á hana fljótt aftur), en það er samt þónokkuð skemmtanagildi í henni, og hún er þónokkuð fyndið.
Tónlistin í myndini svipar mjög til tónlistarinnar sem var í myndini O Brother, Where Art Thou? eða svona gospel country tónlist.
Ég hef ekki séð upprunalegu útgáfunua af The Ladykillers sem er frá árinu 1955, en mig langar mikið til þess núna.
Brokeback Mountain0 af 0 fannst gagnrýnin hjálpleg
Hún er gefin fyrir drama þessi dama, sagði Megas einhverntíman, en það er ég ekki.
Ég fór á þessa mynd, sama kvöld og óskarsverðlaunin voru, svo ég gæti hort á óskarinn með einhverjum gagnrýnisaugum.
Og það verð ég að segja að þessi mynd er hundleiðinleg.
Langdregið drama væl sem hefði verið hægt að stytta niður í 25 min og samt hefði hún verði langdregin.
Ég hef verið að skoða nokkra kvikmyndasíður þar sem að notendur geta sagt sína skoðun á myndum, eins og www.kvikmyndir.is og www.imdb.com og þar eru langflestir sem gefa þessari mynd 3,5 - 4 stjörnur.
Ég held að flestir sem eru að skrifa á svona síður geti einfaldlega ekki komið með sitt eigið mat á svona myndir, heldur verði að apa upp eftir öðrum því annars gæti það litið út eins og þeir hefðu ekki hundsvit á kvikmyndum.
En svona fyrir ykkur sem eruð að hugsa um að fara á þessa mynd í bíó, eða að taka hana á leigu, sleppið því og horfið frekar í Bambi 2 eða bara eitthvað annað.
Hangið frekar inná klósetti, því þar er meira stuð.
Cinderella Man0 af 0 fannst gagnrýnin hjálpleg
Virkilega góð mynd og mikið betri en ég hélt.
Ég hafði einhvernvegin aldrei mikinn áhuga á að sjá þessa mynd, en þegar ég gat ekki fundið neitt skárra á videoleiguni þá tók ég þess, og ég verð bara að segja að ég sé ekki eftir því.
Þessi mynd kom mér virkilega á óvart.
Það eina sem skemmir þessa mynd svolítið og tekur af henni hálfa stjörnu er Renée Zellweger, en hún leikur konu boxarans Jim Braddock.
Ég hef aldrei þolað hana sem leikkonu og alltaf fundist hún ofleika öll hlutverk sín.
Russell Crowe er hinsvegar virkilega góður í sínu hlutverki.
Mjög góð mynd, sem hefði getað orðið betri ef Renée Zellweger hefði ekki leikið í henni.
Walk the Line0 af 0 fannst gagnrýnin hjálpleg
Það er voðalega vinsælt í dag að gera mynd um látna tónlistarmenn og helst að gera hana um leið og jarðaförin er búin.
Svo þykir við hæfi að dæla verðlaunum í þessar myndir og í leikarana þar sem þeir náðu karekternum svo vel.
Í fyrra kom myndin Ray þar sem hann Jamie Foxx lék Ray Charles
og fjallaði sú mynd um þann mann og hvernig hann ólst upp í fátækt, misti bróður sinn þegar hann var ungur, hvernig hann varð að stjörnu, fór í dópið, hélt framhjá og reif sig svo uppúr allri þeirri vitleysu.
Þessi mynd fjallar um það nákvæmlega sama, samt eru þetta ekkert líkar myndir þannig lagað.
Eftir alla Þá jákvæðu gagnrýni sem þessi mynd hafði fengið og þær tilnefningar til óskars, tala ekki um að hér er fjallað um ævi Johnny Cash, þá hreynlega varð ég að sjá þessa mynd.
Myndin sjálf er ágæt, en ekki virði allra þá jákvæðu gagnrýni sem hún hefur fengið.
Ég held að allt það lof sem þessi mynd hefur fengið og þær tilnefningar til verðlauna, sé frekar verið að verðlauna Johnny Cash fyrir það sem hann gerði fyrir tónlistina, heldur en að verið sé að verðlauna myndina fyrir hvað hún sé góð.
Myndin sjálf er alsekki vond, hún er góð, en bara ekki jafn góð og talað er um.
Joaquin Phoenix er fínn í hlutverki Johnny Cash og það að hann skuli syngja sjálfur öll hans lög í myndini og gera það þetta vel er mikill plús fyrir hann.
Einnig var Reese Witherspoon góð sem June Carter og sýnir hún þarna að hún getur leikið eitthvað annað en ljóskur í bleikum fötum.
The Longest Yard0 af 0 fannst gagnrýnin hjálpleg
Ég bjóst ekki við miklu þegar ég byrjaði að horfa á þessa mynd, og ég fékk heldur ekkert sérstaka mynd.
Í raun var hún nákvæmlega eins og ég bjóst við að hún yrði, því flest allar myndir sem Adam Sandler leikur í, eru bygðar á nákvæmlega sama draslinu, og þetta er alltaf sami húmorin í myndunum hans.
Ég er samt ekki að segja að þetta sé léleg mynd, en hún er heldur ekki góð.
Miðlungsmynd sem má horfa á á sunnudögum ef ekkert skárra er í sjónvarpinu.
On Her Majesty's Secret Service0 af 0 fannst gagnrýnin hjálpleg
Ég hef verið að skoða svolítið gagnrýni frá öðrum kvikmyndaáhugamönnum til þess að sjá hvað öðrum finnst um þessa mynd, og eru þó nokkuð margir sem segja að þetta sé besta bond-myndin og að George Lazenby hafi verið langbesti Bondin.
Ég bara get engan vegin verið sammála þeim.
Í fyrsta lagi þá er þetta langt í frá því að vera besta bond-myndin.
Hún er altof langdregin.
Það tekur myndina klukkutíma bara á því að byrja.
Fyrsta klukkutíman í myndini gerist nefnilega ekki neitt, það er ekki fyrr en í seinni hluta myndarinnar sem að eitthvað fer að gerast. Bardagaatriðin minna mann svo á eldgamlar Kung Fu myndir frá Hong Kong.
Klippingin í myndini er gersamlega fáránleg og sést best í hversu fáránleg hún er í bardagaatriðunum.
Hinsvegar verð ég að vera samála þeim sem segja að George Lazenby hafi verið góður sem James Bond, því það er ekki hægt að setja neitt út á hann, og hreinlega synd að hann skuli ekki hafa samþykkt að leika í fleiri Bond-myndum.
En í heildina er þessi mynd alsekki nógu góð, af Bondara að vera.
Thunderball0 af 0 fannst gagnrýnin hjálpleg
Ágætis Bondari en frekar langdregin, það hefði verið hægt að klippa 30 min af þessari mynd og þá hefði þetta getað orðið góður Bondari.
Það er reyndar aðeins of mikið af klisjum í þessari mynd sem dregur hana líka svolítið niður.
En engu að síður þá er þetta Bond mynd þar sem að Sean Connery leikur 007 og því verður þetta ágætis ræma.
Goldfinger0 af 0 fannst gagnrýnin hjálpleg
Ein allra besta Bond myndin sem komið hefur út, ef ekki sú besta.
Titillagið í þessari mynd er líka eitt frægasta bond lagið, og svo er nú ein allra frægasta setning úr Bond mynd í þessari mynd,
Bond: Do you expect me to talk?
Goldfinger: No Mr. Bond, I expect you to die!
Þessa Bond mynd er hægt að horfa á aftur og aftur og aftur.
From Russia with Love0 af 0 fannst gagnrýnin hjálpleg
Ein af betri Bond myndum sem gefin hefur verið út og þónokkuð betri en fyrri Bond myndin &8220;Dr. No.&8221; Sem var sú fyrsta.
Sean Connery klikkar ekki í þessari frekar en í öðrum Bond myndum.
Þessi mynd fer á top 3 listan yfir bestu Bond myndirnar.
Dr. No0 af 0 fannst gagnrýnin hjálpleg
Hin ágætasta Bond mynd en þónokkuð frá því að vera ein af þeim bestu.
Það sem rífur þessa mynd aðeins upp er Sean Connery, og verður maður að hafa það í huga að það var ekki eitt miklu við gerð þessarar myndar, þar sem að framleiðendurnir voru ekki tilbúnir að eyða miklum peningum í hana.
Samt sem áður er þetta fínasti Bondari og skylduáhorf fyrir alla Bond áhugamenn.
Taxi0 af 0 fannst gagnrýnin hjálpleg
Eftir að vera búinn að trassa það að sjá þessa mynd, þá drullaðist ég loks út á videóleigu og tók hana.
Ég var ekki alveg viss um það hverju ég ætti við að búast, því ég vissi að myndin fjallaði að einhverju leiti um hraðskreiða bíla, og ég er ekki mikill bíladellukall og vil frekar sjá velgerða mynd, heldur en mynd sem fjallar bara um flotta bíla og hefur nánast engan söguþráð.
En ekki varð ég fyrir vonbrigðum með þessa mynd, því hún er virkilega skemmtileg og með góðan húmor, og núna get ég ekki beðið eftir að fara á leiguna og taka Taxi 2 og Taxi 3.
The Kingdom of Heaven0 af 0 fannst gagnrýnin hjálpleg
Óttaleg klisja þessi mynd og algerlega útreiknanleg.
Það hefði verið hægt að stytta þessa mynd umtalsvert og hefði hún skánað töluvert við það, því hún er of langdregin.
Engu að síður er þetta ágætist ræma til að horfa á, þegar maður er búinn að sjá flest annað.
Catch Me If You Can0 af 0 fannst gagnrýnin hjálpleg
Skemmtileg mynd um ótrúlegt líf Frank Abagnale Jr. sem leikin er af Leonardo DiCaprio.
Frank Abagnale Jr. varð einn snjallasti falsari og svikahrappur Bandaríkjana og tókst honum að svíkja út pening fyrir margar milljónir dollara, ásamt því tókst honum að verða flugmaður, læknir og lögræðingur án þess að hafa nokkurn tíman farið í nám tengt eitthvað af þessum störfum.
Eternal Sunshine of the Spotless Mind0 af 0 fannst gagnrýnin hjálpleg
Alger snilld.
Handritið er alveg magnað og ótrúlegt að hægt sé að láta sér detta í hug að skrifa svona handrit.
Jim Carrey er magnaður í sínuhlutverki og sýnir hann það algerlega að hann er afbragðsleikari og getur gert margt annað en bara að gretta sig og fetta.
Eftir að ég hafði tekið þessa mynd á leigu, þá fór ég daginn eftir og keypti mér eintak, þó svo að ég hafi verið nýbúinn að horfa á hana, því ég vissi það að ég ætti eftir að horfa á þessa mörgum sinnum í viðbót.
Life is Beautiful0 af 0 fannst gagnrýnin hjálpleg
Alveg hreynt yndisleg mynd og kemt hún mjög ofarlega yfir bestu myndir sem ég hef séð.
Roberto Benigni er alveg frábær í þessari mynd, þó svo margir fynnist hann vera tilgerðalegur og ofleika hlutverk sitt, þá eru þeir einfaldlega ekki að sjá að svona á leikurinn að vera, leikurinn hjá Roberto Benigni er það sem gerir myndina svo mikla snilld.
The Motorcycle Diaries0 af 0 fannst gagnrýnin hjálpleg
Virkilega góð mynd og algerlega þess virði að horfa á.
Myndir sýnir aðeins inn í líf Ernesto Guevera og vinar hans Alberto Granado og ferðalag þeirra um Suður-Ameríku.
Það eina sem ég var pínu ósáttur við, var að ég var að vonast eftir að fá að sjá hvernig hann kynntist Fidel Castro og þegar byltingin var gerð á Kúbu, en kanski var betra að vera ekkert að fara út í það, hefði þurft aðra mynd fyrir það.
Million Dollar Baby0 af 0 fannst gagnrýnin hjálpleg
Mikil vonbrigði.
Eftir að hafa fengið 4 óskarsverðlaun og mikið lof gagnrýnenda, þá fór ég loks og tók þess mynd á leigu og hafði ég því miklar væntingar, en ég get ekki annað en sagt, mikil vonbrigði.
Fyrripartur myndarinnar var fínn en seinniparturinn var MJÖG langdregin og leiðinlegur.
Það sem lyftir þessari mynd samt upp og gerir hana ágæta í stað þess að vera leiðinleg, er leikurinn hjá Hilary Swank og svo Morgan Freeman.
Þau tvö voru virkilega góð og áttu óskarsverðlaunin algerlega skilið.
Fargo0 af 0 fannst gagnrýnin hjálpleg
Ekki alveg jafn góð mynd og ég bjóst við, en ágæt engu að síður og er það aðalega fyrir tilstuðlan þeirra William H. Macy og Steve Buscemi en þeir tveir hafa lengi verið mínir uppáhalds leikarar.
Saw0 af 0 fannst gagnrýnin hjálpleg
Virkilega góð mynd sem kemur manni virkilega á óvart.
Handritið er snilld og hugmyndin að handritinu líka.
Ég sat límdur við sjónvarpið á meðan ég horfði á myndina og þorfði ekki að blikka augunum af ótta við að missa af einhverju. og ég verð bara að segja að endirinn á myndini er einhver sá magnaðasti ef ekki bara magnaðasti endir sem ég hef nokkurn tíman séð í bíómynd.
The Forgotten0 af 0 fannst gagnrýnin hjálpleg
Eftir að hafa séð trailerinn af þessari mynd þá varð ég frekar spenntur að fá að sjá hana.
Þetta leit út fyrir að vera þrælgóð hasar og ráðgátumynd, en þvílík vonbrigði.
Þetta var eins og aumur sjónvarpsþáttur í einn og hálfan tíma og á meðan engdist ég um í sófanum og beið eftir að myndin yrði búinn.
To Kill a Mockingbird0 af 0 fannst gagnrýnin hjálpleg
Það er alltaf frekar erfitt að gefa þetta gamalli mynd stjörnur, en við sumar myndir er það ekkert mál og það er dæmið með þessa.
Þetta er alveg frábær mynd sem lifir enþá mjög vel og alltaf er gaman að horfa á.
The Villain0 af 0 fannst gagnrýnin hjálpleg
Ágætis mynd, mynnir mest á road runner teiknimyndirnar þar sem að Cactus Jack (Kirk Douglas) er úlfurinn og Handsome Stranger (Arnold Schwarzenegger) er Road runner.
Þetta er svona bull grínmynd þar sem að td. risastór steinn rúllar yfir mann og hann stendur bara upp eftir það eins og ekkert er, og jafnvel þó hann hrapi niður 20 metra kletta þá stendur hann bara aftur upp og þurkar rykið af sér.
Þeir sem ekki þola þessa tegund af myndum ættu að láta þessa eiga sig, en fyrir þá sem ekki gera alltof miklar kröfur um raunveruleika í bíómyndum, þeir gætu þeir jafnvel haft gaman af Þessari mynd.
Close Encounters of the Third Kind0 af 0 fannst gagnrýnin hjálpleg
Ég skil bara enganveginn hvernig fólk getur gefið þessari mynd 4 stjörnur. Þessi mynd er ALLTOF langdregin og mjög illa leikinn af mörgum leikurum.
Ég hef mjög gaman af mörgum Sci-Fi myndum en það var ekki raunin með þessa.
Framan af myndini þá virtist þetta vera hin fínasta mynd en svo þegar fór að líða á hana þá fór maður bara að geyspa.
í loka atriðinu á myndini þá engdist ég um í sætinu og var orðin virkilega pirraður þar sem ég hélt að það ætlaði aldrei að enda en samt var ekkert að gerast í því.
The Shawshank Redemption0 af 0 fannst gagnrýnin hjálpleg
Fátt hægt að segja meira um þessa mynd heldur en SNILLD!
Þetta er ein allra besta mynd sem nokkurntíman hefur verið gefin út.
Það er varla að maður komist úr sófanum til að pissa því maður getur bara ekki ýtt á pausu takkan því myndin er það mögnuð að maður vill ekki að hún stoppi.
Mynd sem hægt er að horfa á aftur og aftur og aftur og aftur og aftur og aftur og oftar en það.
Full Metal Jacket0 af 0 fannst gagnrýnin hjálpleg
Margar misgóðar myndir hafa verið gerðar sem fjalla um víetnamstríðið en þetta er ein sú besta sem gerð hefur verið.
Þessi mynd er alger snilld og maður fær aldrei leið á því að horfa á hana.
The Fugitive0 af 0 fannst gagnrýnin hjálpleg
Harrison Ford er hérna í einu af sínum betri hlutverkum sem læknirinn Richard Kimble, og er hann sakaður um að hafa drepið konuna sína. Þegar flytja á hann og nokkra aðra fanga í fangelsið reyna nokkrir fangana að flýja og notar Dr. Kimble sér það og flýr líka.
Á meðan hann er á flótta undan lögregluni reynir hann að finna út hver það var sem drap eiginkonu hans.
Harrison Ford hefur aldrei verið í neinu uppáhaldi hjá mér
en í þessari mynd er hann alveg magnaður.
Mikil spenna og mikill hasar, mögnuð mynd.
Risky Business0 af 0 fannst gagnrýnin hjálpleg
Joel Goodse (Tom Cruise) er 17 ára gamall nemi sem hefur alltaf verið stilltur og góður drengur og með mikið traust hjá foreldrum sínum og keyrir um á Porche bíl pabba síns.
Dag einn er honum treyst fyrir að vera einum heima á meðan foreldrar hans skreppa í burtu, en kanski þau hefðu betur sleppt því.
Þetta er fín mynd með fínum leikurum og sumum sem hafa mátt muna sinn fífil fegri, eins og Curtis Armstrong sem er hvað þektastur fyrir að leika nördinn Dudley 'Booger' Dawson í Revenge of the Nerds.
Duplex0 af 0 fannst gagnrýnin hjálpleg
Mikil vonbrigði sem þessi mynd var.
Þegar myndin var hálfnuð þá var ég farinn að líta á klukkuna og geyspa.
Hugmyndin að myndini er góð en hún er samt eitthvað svo fyrirsjáanleg. Ágæt mynd til að horfa á heima í tv þegar ekkert annað er að gera, en ekki eyða peningum í bíó á hana.
Terminator 3: Rise of the Machines0 af 0 fannst gagnrýnin hjálpleg
Alls ekki jafn góð mynd og fyrri tvær Terminator myndirnar, en þokkalegast mynd engu að síður.
Veit ekki hvort hún hefði náð að vera eitthvað betri ef að James Cameron hefði leikstýrt henni eins og fyrri tveim.
Það sem mér fannst hvað verst við þessa mynd var hvað það var alltaf verið að apa eftir T-1 og T-2 (sömu bardagaatriðin).
Spurningin er svo bara hvenær kemur Terminator 4?
þar sem að sagan er ekkert búinn. (Efast samt að Schwarzenegger myndi leika í henni.)
Það liðu 7 ár á milli T-1 og T-2, 12 ár á milli T-2 og T-3,
ætli það verði ekki farið að gera T-4 eftir rúm 17 ár? (2020)
Something's Gotta Give0 af 0 fannst gagnrýnin hjálpleg
Þessi mynd er ein stór KLISJA.
Þetta er kanski ekki beint formúlan að rómantískri mynd þannig séð, því þessi fer bara út í öfgar hvað það varðar.
Hún er ekki beint væmin þessi mynd, en hún hefur sína spaugilegu parta sem hægt var að hlægja að, en þegar líða fór á myndina þá var ég alltaf að líta á úrið mitt og var að vona að myndin færi nú að taka enda.
Myndin er alltof löng fyrir þessa tegund myndar og ekki meira efni en hún er.
Jack Nicholson var góður í sýnu hlutverki og einnig hún Diane Keaton sem er tilnefnd til óskarsverðlauna fyrir sitt hlutverk í myndini. En þó svo að margir góðir leikar séu samankomnir í þessari mynd sem lítur út fyrir að vera hin fullkomna rómantíska mynd þá er hún frekar leiðinleg í heildina.
Ef þú hefur gaman af rómantískum myndum og langar til að sjá eina, farðu þá frekar á video leigu og taktu Sleepless in Seattle.
Big Fish0 af 0 fannst gagnrýnin hjálpleg
Þessi mynd kom mér virkilega á óvart.
Hún fjallar um mann að nafni Will Bloom og faðir hans sem er dauðvona.
Pabbinn Ed Bloom sem leikinn er af Albert Finney og einnig af Ewan McGregor (en hann leikur pabban á yngri árum) hefur alltaf sagt syni sínum sögur af lífi sínu og þá mjög svo lýgilegar sögur.
En núna vill sonurinn komast að sanleikanum og vill fá að heyra réttu söguna um líf pabba síns.
Á meðan er hann að rifja upp allar þær sögur sem pabbi hans hafði sagt honum, og er það það sem gerir myndina svo skemmtilega. Sögurnar sem pabbinn hafði sagt voru svo lýgilegar að öll myndin verður eitt stórt ævintýri.
Hugmyndin, sagan, handritið og allt á bakvið myndina er alger snilld og gengur allt saman upp.
Núna bíð ég bara spenntur eftir að þessi mynd komi á DVD þannig að ég geti horft á hana aftur og aftur.
21 Grams0 af 0 fannst gagnrýnin hjálpleg
Fín mynd og ekta Sean Penn mynd.
Mér fannst pínu asnalegt hvernig myndin fór alltaf fram og aftur um tímann á 5 mínútna fresti, en samt var það ekkert og ruglingslegt eins og vill oft verða með þannig myndir.
Sean Penn var ekki tilnefndur til óskarsverðlauna fyrir þessa mynd en hann var það fyrir Mystic River,
samt fannst mér hann betri í þessari, líka þar sem það reyndi meira á hann sem leikara í þessari mynd, en hérna leikur hann dauðvona mann með hjartagalla.
Benicio Del Toro er hinsvegar tilnefndur sem besti leikari í aukahlutverki og er hann vel af því kominn.
Mæli með þessari mynd.
City of God0 af 0 fannst gagnrýnin hjálpleg
Ég bara varð að sjá þessa mynd til að geta séð það sem aðrir hafa verið að lofa þessa mynd fyrir.
Þegar ég byrjaði að horfa á þessa mynd þá hugsaði ég (ég ætla ekki að fara að gefa þessari mynd góða dóma fyrir eitthvað listrænt gildi og eitthvað svoleiðins bull, annaðhvort er myndin góð eða ekki.
Og viti menn, hún jafnast á við bestu myndir sem ég hef séð.
Handritið er snilld, myndatakan er mögnuð og myndin er FRÁBÆR.
Platoon0 af 0 fannst gagnrýnin hjálpleg
Alveg hreint mögnuð mynd og ein af bestu stríðsmyndum sem gerðar hafa verið. Það er úrvals leikarar sem leika í þessari mynd, m.a. Willem Dafoe, Forest Whitaker, Johnny Depp og Charlie Sheen.
Ég ætla ekkert að vera að fara mikið út í söguþráðinn, en þetta fjallar um víetnam stríðið og hversu illa það fór með marga menn.
Lost in Translation0 af 0 fannst gagnrýnin hjálpleg
Þetta var allt öðruvísi mynd en ég bjóst.
Hún fjallar um mann að nafni Bob Harris sem leikin er af Bill Murray. Hann fer til Japans til að leika í auglýsingu þar sem að auglýsa á viskí.
Hann er ekki beint hrifin af japönskum lífstíl og vill helst af öllu bara komast í burt.
En hann er ekki sá eini sem leiðist í Japan.
Sagan segir líka frá konu að nafni Charlotte (Scarlett Johansson) sem er eiginkona ljósmyndara sem er að taka ljósmyndir í Japan.
Sögu þeirra Bob og Charlotte rekur svo saman þegar þau hittast á bar og fara þau að eiða tíma sínum saman í Japan.
Eftir rúmar 15 mínútur af myndini var ég að verða alveg drullu fúll og hneigslaður yfir öllu því hrósi sem þessi mynd hefur fengið, en þegar fór að líða á myndina þá skildi maður afhverju byrjunin var eins og hún var (Langdregin og ekkert að gerast),
því þannig leið þeim tveim í Japan (ekkert að gerast).
Þetta er meira drama mynd heldur en grínmynd en samt eru alveg mein fyndin atriði í henni.
Bill Murray er alveg frábær í þessari mynd og einnig er Scarlett Johansson mjög góð.
Þessi mynd kom mér virkilega á óvart.
Ég bjóst við miklu, fékk mikið, en samt allt annað en ég bjóst við.
Elf0 af 0 fannst gagnrýnin hjálpleg
Þessi mynd fjallar um dreng sem er kallaður Buddy og er leikin af Will Ferrell.
Hann er ættleiddur af álfum sem búa á norður pólnum og búa til leikföng fyrir jólasveininn.
Alla sína tíð hefur hann haldið að hann sé álfur, en dag einn kemst hann að því að hann er maður og fer hann þá til New York til þess að leita að alvöru pabba sínum.
Þegar til New York er komið taka við alskins spaugileg atriði, þar sem Buddy þekkir ekkert nema álfa líf og er því alltaf í góðu skapi og vill bara faðma alla og vera góður.
Þessi mynd kom mér virkilega á óvart.
Will Ferrell er alveg frábær í hlutverki sínu sem Buddy, og eitt það skemmtilegasta við þessa mynd er hve einfaldur hann er og barnalegur.
Börn sem eru eitthvað efins um það hvort jólasveinninn sé til eða ekki ættu að horfa á þessa mynd og þá sjá þau að hann er til og svo er líka útskýrt ýmis atriði um jólasveininn sem maður hefur oft spurt sig, eins og hvernig hann fær hreindýrin til að flúgja og þess háttar.
Ég er 25 ára gamall og var hættur að trúa á jólasveinninn, en núna veit ég að hann er til.
Mjög góð fjölskyldumynd sem ég mæli með.
Malibu's Most Wanted0 af 0 fannst gagnrýnin hjálpleg
Ef þú ert að hugsa um að fara að horfa á þessa mynd,
ekki búast þá við miklu.
Hún fjallar um dreng sem kallar sig B-Rad (Jamie Kennedy) og er hann sonur ríks mans sem er í framboði sem næsti ríkisstjóri Kaliforniu. B-Rad lætur eins og hann sé mikill rappari og hagar sér eins og svartur maður from the hood
Faðir hans og kosningastjórar hans ráða til sín tvo lítt þekkta leikara til að ræna B-Rad og sýna honum hvernig það er að búa í alvöru in the hood og láta þá hræða hann, eða (scare him to whit) eins og þeir segja, til þess að faðir hans geti fengið frið fyrir rapp bullinu í syni sínum.
Myndin svipar pínulítið til Don't Be a Menace to South Central While Drinking Your Juice in the Hood þó er hún ekki alveg jafn mikil steipa.
Það var alveg hægt að brosa að nokkrum atriðum og jafnvel hlægja að einu eða tveim, en ekki meira.
Ágætis mynd í lélegri kantinum.
The Last Samurai0 af 0 fannst gagnrýnin hjálpleg
Mjög góð mynd með flottum bardagaatriðum og Tom Cruise er alveg frábær í sýnu hlutverki.
Mér fanst myndin frekar langdregin, hefði mátt klippa hana um allavega 20min þar sem mörg atriðin voru bara þreytandi löng.
Annar stór galli við myndina að það er verið að reyna að gera hana svo voðalega listrænar með slow motion bardagaatriðum og bulli sem ég er alveg búinn að fá ógeð af, allavega þegar 50% af bardagaatriðum eru þannig.
En ég skemmti mér samt ágætlega á þessari mynd og væri alveg til í að sjá hana aftur í video þar sem ég get spólað bara yfir kafla sem hefði mátt klippa í burtu.
Magnolia0 af 0 fannst gagnrýnin hjálpleg
Ég veit hreinlega ekki hvar ég á að byrja.
Þessi mynd fjallar nákvæmlega um ekki neitt og alveg með ólíkindum að hún skuli hafa fengið þetta góða dóma.
Ég er samt ekki að segja að þessi mynd sé hundleiðinleg, en hún er ekki jafn góð og margir segja.
Stærsti gallinn við myndina var hvað hún var alltof löng, það virkar bara ekki við svona Drama-listrænar-bull myndir.
Stærsti plúsinn við myndina er leikaravalið og hvernig þeir fara með hlutverk sín.
Það getur vel verið að ef ég horfi á hana aftur þá skilji ég hana eitthvað betur og fíli myndina í tætlur, en ég mun ekki horfa á hana aftur í bráð.
Ágætis mynd ef maður hefur ekkert annað til að horfa á.
The Truth About Charlie0 af 0 fannst gagnrýnin hjálpleg
Frekar slöpp mynd með Mark Wahlberg í aðalhlutverki.
Þetta er endurgerð af mynd frá 1963 sem heitir Charade.
Ég hef ekki séð þá mynd en er samt viss um að hún sé þónokkuð betri en þessi, því annars hefði hún ekki verið endurgerð.
Það sem mér finnst vera hvað verst við þessa mynd er handritið.
Mörg samtöl og þess háttar eru svo hallærisleg að myndin verður alltof gerfileg.
Vidoetökurnar eru ömurlegar, ég bara þoli ekki þegar videovélin er látinn snúast í hringi um fólkið sem er að tala, og þegar myndavélin er á fullri ferð á meðan að eitthvað er að gerast og maður veit ekki hvað snýr upp né niður.
Þetta á að vera spennumynd en ég átti í erfiðleikum með að halda mér vakandi á meðan ég horfði á myndina, hún var það óspennandi.
Það er samt ekki þar með sagt að hún sé alslæm.
Mark Wahlberg var góður í sýnu hlutverki, og einnig sem mér fannst mér Thandie Newton leika vel.
Þetta er mynd sem ég mun sennilegast ekki horfa á aftur.
Dragnet0 af 0 fannst gagnrýnin hjálpleg
Ágætis mynd með þeim Dan Aykroyd og Tom Hanks í aðalhlutverkum, þar sem þeir leika löggur sem eru fengnir til að ransaka mjög svo undarleg mál, td. þjófnað úr dýragarði á 30 feta löngum snák og feldi af ljóni sem hafði verið rakað af.
Gallinn við myndina er að þetta á að vera grínmynd, en maður hlær ekki að neinu í henni.
Ágætis ræma engu að síður.
Stella í framboði0 af 0 fannst gagnrýnin hjálpleg
Engan veginn samanburðarhæft við fyrri myndina, þar sem hún var alveg þrælgóð og mjög fyndin.
Þessi er alveg öfugt við hana.
Ég segi kanski ekki að hún sé leiðinleg en ég myndi frekar horfa á Stellu í orlofi tvisvar sinnum í röð heldur en þessa aftur.
Misheppnað framhald, hér hefði átt að gera betur.
Opinberun Hannesar0 af 0 fannst gagnrýnin hjálpleg
Mjög illa unnin mynd að mínu mati og það er eins og að myndin hafi verið gerð af krökkum í félagsmiðstöð sem fara út með myndavél og taka bara allt beint á myndavélina og eru ekkert að klippa efnið eða neitt.
Hinsvegar fannst mér þónokkur húmor í þessu öllu saman og það mátti alveg hafa ögn gaman af þessu.
En það er samt ekki hægt að gefa þessari mynd háa einkun þar sem hún er svo illa unnin og illa leikin.
Mission: Impossible II0 af 0 fannst gagnrýnin hjálpleg
Ég á bara ekki til orð.
Eftir að hafa trassað að horfa á þessa mynd í þónokkurn tíma þá lét ég loks verða af því og horfði á hana.
Ég settist niður með popp og kók og ætlaði að eiga gott video kvöld, en nei.
Bara byrjunaratriðið sagði mér að þetta yrði ekki gott video kvöld. Tom Cruise farinn að klífa kletta eins og það væri ekkert auðveldara í heiminum og gerði það nánast með annari hendi. Ég ætla ekki að vera að fara mikið meira út í söguþráðinn því hann er enginn. Ömurlegur leikur hjá nánast öllum leikurum, og var ekki hægt að fá einhvern annan en John Woo til að leikstýra myndini.
Myndin hefði verið skárri þó að Cheech & Chong hefðu leikstýrt henni.
Þetta er ekta mynd fyrir 10 ára stráka sem gefa myndum 4 stjörnur af því að það eru svo flottir bílar í henni.
Það er aðeins eitt gott við þessa mynd og það er að Anthony Hopkins leikur smá hlutverk í henni og því fær myndin 1 stjörnu.
Mission: Impossible0 af 0 fannst gagnrýnin hjálpleg
Tom Cruise sem leikur hér Ethan Hunt sem vinnur fyrir Leyniþjónustuna er sendur í smá verkefni með hópnum sínum þegar eitthvað mistekst og allir í hópnum deyja nema hann.
Þar sem að hann er sá eini sem kemst lífs af og Leyniþjónustan grunar að það sé svikari í Leyniþjónustunni er honum kennt um allt saman og þarf hann því að vera í felum, einnig sem hann reynir að leysa málið sjálfur.
Þokkalegasta klisja sem gaman er að horfa á, samt ekki þessi snilldar mynd eins og sumir vilja halda fram.
Hercules in New York0 af 0 fannst gagnrýnin hjálpleg
Fyrsta mynd Schwartzenegger og hefði átt að vera sú síðasta miðað við hversu léleg hún er (Allavega hefði ég ekki ráðið hann í hlutverk eftir að hafa séð þessa mynd).
Skelfilegur leikur, skelfilegt handrit og bara skelfileg mynd.
Forðist sem heitan eldinn.
Dr. Strangelove or: How I Learned to Stop Worrying and Love the Bomb0 af 0 fannst gagnrýnin hjálpleg
Það getur oft verið erfitt að gagnrýna myndir sem eru orðnar þetta gamlar en það er ekki dæmið með þessa.
Ég ætla ekkert að fara út í söguþráðinn, en þetta er bráðskemmtileg mynd sem ALLIR kvikmyndaáhugamenn verða að sjá.
Það sem mér fannst hvað flottast við þessa mynd voru tökurnar á stríðsatriðunum, en það var eins og það væri verið að sýna úr fréttum, myndavélin á hreyfingu og þess háttar.
Ef þú ert ekki búinn að sjá þessa mynd þá ráðlegg ég þér að gera það.
The School of Rock0 af 0 fannst gagnrýnin hjálpleg
Ég hafði ekki hugmynd um hvað þessi mynd var þegar ég byrjaði að horfa á hana.
Ég hélt að ég væri að fara að sjá grínmynd um Rock og ról þar sem væri bölvað og blótað og þess háttar, en svo var nú ekki.
Þetta er mynd um Dewey Finn (sem leikinn er svo snilldarlega af snillingnum Jack Black) og þegar hann er rekinn úr hljómsveitinni sem hann er í.
Staurblankur og á ekki fyrir húsaleigu fer hann að kenna sem afleysingakennari undir fölsku nafni og í stað þess að kenna krökkunum stærðfræði, málfræði og þess háttar fer hann að kenna þeim að spila Rock and ról og ýmislegt tengt því.
Þetta er meira svona fjöldskyldu mynd þar sem krakkarnir myndu hafa mjög gaman af allri ævintýramennskuni í henni.
Ég gat ekki annað en brosað nánast alla myndina og hlægja nokkrum sinnum með, því þetta er mjög skemmtileg mynd og ekki skemmir að hafa snilling eins og Jack Black í henni.
Lawrence of Arabia0 af 0 fannst gagnrýnin hjálpleg
Mynd sem vann til fjölda verðlauna og þar á meðal sem besta myndin. Myndin segir frá manni að nafni Lawrence (liðþjálfi í breska hernum) sem er sendur af yfirmönnum sínum til Arabíu, þar sem tyrkir hafa náð völdum.
Lawrence nær að sameina araba ættbálka til að berjast gegn tyrkjum og verður um leið hetja þeirra, einnig sem englendingar líta á hann sem mikla hetju.
Þetta er alveg frábær mynd með frábærum leikurum.
Myndin er frekar löng, en það kemur ekki að sök því góðar myndir eru fljótar að enda.
The Lord of the Rings: The Return of the King0 af 0 fannst gagnrýnin hjálpleg
Ég veit hreinlega ekki hvar ég á að byrja.
Eftir fyrri tvær myndirnar sem voru ekkert nema gargandi snilld þá bjóst ég við að þessi yrði það líka,
en hún var mikið meira en það, hún var argandi gargandi SNILLD.
Að enda þríleikinn með mynd eins og þessari er frábært.
Það eru einfaldlega ekki til nógu mörg lýsingarorð til að lýsa þessari snilld.
Fyrri tvær myndirnar voru báðar 4 stjörnu myndir, hvað gefur maður þá mynd eins og þessari?
4 Stjörnur þar sem það er ekki hægt að gefa meira.
Midnight Cowboy0 af 0 fannst gagnrýnin hjálpleg
Frábær mynd sem fjallar um Joe Buck (Jon Voight), barnalegan dreng frá Texas sem áhveður að flytja til New York og gerast Hustler (Karlkyns hóra) þar sem hann heldur að allar konur New York borgar séu Kynsveltar og muni borga honum fyrir Kynlíf.
Eitthvað klikkar þetta hjá honum og kynnist hann flækingi að nafni Enrico sem leikinn er af Dustin Hoffman.
Saman hanga þeir og hugsa um hvern annan á meðan þeir reyna allt til að fá einhverja peninga.
Dustin Hoffman klikkar ekki í þessari mynd frekar en öðrum myndum, og Jon Voight er alveg magnaður í sínu hlutverki.
Þessi mynd fékk óskarinn fyrir bestu myndina árið 1969.
Mögnuð mynd sem allir þurfa að sjá.
Bonnie and Clyde0 af 0 fannst gagnrýnin hjálpleg
Fjallar um einhverja frægustu glæpamenn Bandaríkjana Bonnie and Clyde og Barrow gengið.
Mér finnst myndin ekki ná að segja söguna nógu vel og hún er alls ekki nógu spennandi fyrir svona gerð af mynd.
En það er samt margt gott í þessari mynd, og þar ber fyrst að nefna Warren Beatty og leik hans sem Clyde Barrow og svo Faye Dunaway sem leikur Bonnie Parker.
Góð mynd, en ekki frábær eins og margir tala um.
Focus0 af 0 fannst gagnrýnin hjálpleg
Myndin er byggð á samnefndri skáldsögu eftir Arthur Miller og fjallar um kristinn mann að nafni Lawrence Newman (William H. Macy) sem er mjög svo líkur gyðingi, og ekki hjálpar það að hann býr í hverfi þar sem að mikið gyðingahatur er og hvað þá þegar hann giftist konu sem allir halda að sé gyðingur.
Get ekki sagt að þessi mynd hafi komið mér á óvart, þar sem ég bjóst alveg við að hún væri góð, svo klikkar William H. Macy ekki. Þetta er mjög sterk mynd, og eftir að hafa horft á hana þá fer maður að velta svo mörgum hlutum fyrir sér, eins og heimskuni í rasisma.
Blow0 af 0 fannst gagnrýnin hjálpleg
Sannsöguleg mynd um George Jung sem leikinn er af Johnny Depp.
Fjallar um George Jung og hvernig hann varð stærsti kókaíninnflytjandi í bandaríkjunum á 80' áratugnum og hvernig hann vann sér inn 35 billjón dollara í árstekjur.
Á meðan maður er að horfa á þessa mynd er maður alltaf að velta fyrir sér (Þetta er of ótrúlegt til að vera satt) en þetta er víst allt satt.
Fín mynd með góðum leikurum.
The Good Thief0 af 0 fannst gagnrýnin hjálpleg
Ég varð fyrir miklum vonbrigðum með þessa mynd.
Ég hafði smá væntingar fyrir þessari mynd þar sem að Nick Nolte leikur í henni og mér hefur alltaf fundist hann vera góður leikari. En hann var ekki góður í þessari mynd, og í raun var enginn leikari góður í henni, flestir voru bara ömurlegir.
Td. var Nutsa Kukhianidze sem leikur Anne alveg skelfileg og ætti að gera eitthvað annað en að leika.
Skora á alla að forðast þessa mynd.
Tommy Boy0 af 0 fannst gagnrýnin hjálpleg
Aldrei fanst mér Chris Farley neitt sérstakur leikari en í þessari mynd er hann alveg frábær.
Myndin fjallar um Tommy Callahan (Chris Farley) sem þarf að bjarga fjölskyldu fyrirtækinu eftir að pabbi hans deyr og fær hann Richard Hayden (David Spade)til liðs við sig og ferðast þeir vítt og breytt um bandaríkin til að reyna að selja nógu mikið af bremsuklossum til að ekki þurfi að selja fyrirtækið.
Þetta er frábær mynd sem ég mæli eindregið með.
The Bourne Identity0 af 0 fannst gagnrýnin hjálpleg
Ekki alveg jafn góð og ég bjóst við, en fín mynd engu að síður.
Söguþráðurinn í myndini er fínn en mér fynnst að það hefði mátt vanda betur valið á leikurum.
Matt Damon er reyndar ágætur í hlutverki Jason Bourne, minnslaus og á flótta undan CIA, en Franka Potente sem leikur Marie Helena Kreutz unga konu sem dregst einhvernveginn inní allt ævintýrið, hún fannst mér bara hundléleg, ásamt nokkrum aukaleikurum sem pössuðu bara ekki inní hlutverk sín.
Þrátt fyrir það þá mun ég horfa á framhaldið sem á að koma 2004 The Bourne Supremacy.
Rocky IV0 af 0 fannst gagnrýnin hjálpleg
Apollo Creed vinur Rocky deyr í bardaga við Ivan Drago rússa sem lítur út fyrir að vera ósigrandi.
Rocky kennir sér um dauða vinar síns fyrir að hafa ekki stöðvað bardagan. Rocky ákveður því að berjast við Ivan Drago og hefna þannig fyrir dauða Apollo Creed.
Rocky þarf að fara til rússlands þar sem bardaginn verður haldin og byrjar að æfa sig undir bardagan undir erfiðum kringumstæðum.
Það er bara ekki hægt að fá leið á Rocky myndunum.
Þetta eru myndir sem hægt er að horfa á aftur og aftur.
Það fyndnasta við þessa mynd fannst mér tónlistin.
Þetta er þrælgóð mynd sem gaman er að horfa á og bætir hún aðeins fyrir Rocky 3 sem mér fannst frekar slöpp miðað við hinar Rocky myndirnar.
Rocky III0 af 0 fannst gagnrýnin hjálpleg
Eftir að hafa unnið fjölda bardaga berst Rocky áskorun frá manni að nafni Clubber Lang (Mr. T)
Rocky tekur áskoruni og tapar hann bardaganum.
Með hjálp fyrrum keppinautar síns Apollo Creed fer Rocky að æfa á fullu svo hann geti keppt aftur við hrokagikkinn Clubber Lang
og endurheimt titilinn.
Einhvernveginn fannst mér þessi mynd hafa bara verið gerð fyrir peningana. Söguþráðurinn er lítill og hún er langt frá því að vera jafn góð og tvær fyrri myndirnar. Samt er eitthvað við þessa mynd (kanski er það bara hvað MR.T var flottur)
En það er ekki hægt að sleppa því að horfa á þessa mynd eftir að vera búinn að sjá Rocky 1 og Rocky 2.
Rocky II0 af 0 fannst gagnrýnin hjálpleg
Eftir að hafa barist við Apollo Creed í mynd nr. 1 ákveður Rocky að hætta að berjast og reyna að finna sér þægilega skrifstofu vinnu en það er ekki auðvelt fyrir ólærðan mann og endar með að hann fær vinnu í sláturhúsi, en er sagt fljótlega upp vegna samdráttar.
Apollo Creed vill ólmur fá að berjast aftur við Rocky og Rocky vill ólmur komast aftur í hringinn þar sem hann er orðin blankur, en Adrian kona hans vill alsekki að hann berjist aftur.
Rocky ákveður samt að berjast og byrjar að æfa á fullu.
Stallone leikstýrir sjálfur þessari mynd og tekst honum það ágætlega, en hún er enganvegin jafngóð og fyrri myndin, enda algert meistarastykki þar á ferð.
Engu að síður er þetta góð mynd sem gaman er að horfa á, og eins og í fyrri myndini er loka atriðið alveg magnað.
Rocky0 af 0 fannst gagnrýnin hjálpleg
Myndin sem kom Sylvester Stallone á kortið.
Stallone leikur hér lítt þektan boxara sem vinnur sem handrukkari á milli þess sem hann boxar.
Meistarinn í þungavigt Apollo Creed leikinn af Carl Weathers heyrir af Rocky og vill fá að berjast við hann.
Stallone sýnir hér snilldar leik í þessari mynd og engin tilviljun að hann hafi verið tilnefndur til óskarsverlauna fyrir leik sinn.
Einnig er Burgess Meredith frábær í þessari mynd sem þjálfari Rocky.
Ein besta mynd sem gerð hefur verið.
First Blood0 af 0 fannst gagnrýnin hjálpleg
Sylvester Stallone er hér í hlutverki John Rambo, stríðshetja sem á leið í gegnum smábæ einn í bandaríkjunum en lögreglustjórinn í þeim bæ vill ekki sjá hann í bænum og reynir að reka hann í burtu, en Rambo er ekki alveg sáttur við það og eftir smá átök við lögregluna heldur hann til fjalla með lögguna á hælum sér.
Sylvester Stallone sýnir hér snilldar leik í þessari snilldarmynd.
Langbesta Rambo myndin af þeim þremur sem komu út.
Rambo: First Blood Part II0 af 0 fannst gagnrýnin hjálpleg
Ein af ýktari myndum sem ég hef séð en samt algert brill.
Ef þú getur ekki þolað óraunveruleika í bíómyndum, þá skaltu ekki horfa á þessa, en ef þú lætur það ekki skipta þig máli, þá er þetta myndin.
John J. Rambo (Sylvester Stallone) er mættur aftur og í þetta skiptið er hann sendur til víetnam til að ná ljósmyndum af stríðsföngum sem urðu eftir í víetnam stríðinu og víetkong heldur enþá föngum, en Rambo er ekki á því að taka bara ljósmyndir.
Ef eitthvað er þá er hún aðeins of mikið ýkt, en það er ekki hægt annað en að hafa gaman af því.
Hollywood Homicide0 af 0 fannst gagnrýnin hjálpleg
Frekar róleg hasarmynd sem fjallar um 2 löggur í LA, Joe Gavilan (Harrison Ford) og K.C. Calden (Josh Hartnett)
og eru þeir að ransaka morð á rappara sem var drepinn í næturklúbbi.
Einhvernvegin bjóst ég við miklu meira þegar ég fór á þessa mynd, bjóst við miklu meiri húmor og meiri hasar en eini hasarinn í myndini er í lokin á henni, enginn brill leikur eða neitt til að tala um, mynd sem maður gleymir fljótt.
En svona heilt yfir var þetta ágæt mynd, ekki meira en það
My Big Fat Greek Wedding0 af 0 fannst gagnrýnin hjálpleg
My Big Fat Greek Wedding kom mér virkilega á óvart.
Ég hafði heyrt margt gott um þessa mynd en aldrei haft mikinn áhuga á að sjá hana þar sem ég er ekki mikið fyrir rómantíkskar myndir, en svo lét ég verða af því og ekki varð ég fyrir vonbrigðum þar sem meira er gert útá húmor heldur en rómantík.
My Big Fat Greek Wedding er mjög góð mynd sem vert er að horfa á
The Postman0 af 0 fannst gagnrýnin hjálpleg
Þegar ég byrjaði að horfa á þessa mynd þá bjóst ég við einhverjum viðbjóði því að gagnrýnendur höfðu rakkað þessa mynd svo niður,
en útkoman var hin ágætasta skemmtun.
Ég hef alltaf haft gaman af svona bullmyndum eins og mad max, Waterworld og fleirum.
Ágætis mynd.
Finding Nemo0 af 0 fannst gagnrýnin hjálpleg
Ég hafði þónokkrar væntingar til þessarar teiknimyndar þegar ég byrjaði að horfa á hana þar sem ég hafði heyrt svo gott um hana, og getur það oft skemmt myndir fyrir manni, en það var ekki raunin með þessa mynd.
Finding Nemo er alveg frábær teiknimynd með litríkum persónum og góðum söguþræði.
Ég mæli eindregið með henni
Taxi Driver0 af 0 fannst gagnrýnin hjálpleg
Ég er ekki einn af þeim sem að segi að mynd sé góð af því að aðrir segja að hún sé góð, en Taxi driver er hrein og klár snilld.
Myndin fjallar í stuttu máli um leigubílstjóran Travis Bickle, (Robert De Niro) sem er búinn að fá nóg af óþveranum sem er á götum New york borgar og áhveður að taka málin í sínar hendur og reynir að bjarga Iris (Jodie Foster) 12 ára gamalli mellu frá melludólgnum sem leikinn er af Harvey Keitel.
Robert De Niro sýnir þvílíkan leiksigur í þessari mynd að það lá við að ég stæði upp í sófanum og hrópaði þrefalt húrra þegar myndin var búinn.
Ekki nóg með það að De Niro hafi sýnt snilldar takta heldur gerir Jodie Foster það líka og nánast allir leikarar í myndini.
Þetta er mynd sem ég mæli með og hægt er að horfa á aftur og aftur og er alltaf jafn skemtileg sama hversu gömul hún verður.
Spider-Man0 af 0 fannst gagnrýnin hjálpleg
Ég ætla ekki að eyða mikilli orku í að skrifa um þessa mynd því hún að það ekki skilið.
Þegar ég byrjaði að horfa á myndina þá hafði ég ekki miklar væntingar en bjóst samt við miklum hasar, eins og er oftast í kringum spiderman, en þvílík vonbrigði.
Ástarvella útí gegn og lítið af hasar.
Það sem lyftir myndini pínu upp eru tæknibrellurnar en það er líka það eina við myndina.
Bruce Almighty0 af 0 fannst gagnrýnin hjálpleg
Jim Carrey leikur sjónvarpsfréttamannin Bruce Nolan, en ekkert virðist ætla að ganga upp í lífi hans og kennir hann guði um allar hrakfarir hans.
Guð sem leikinn er af Morgan Freeman bíður Bruce að gera betur og lætur hann fá alla sína krafta, sem bruce notar óspart til síns eigin nota.
Jennifer Aniston leikur kærustu Bruce og held ég að þar sjáist
að hún eigi bara að halda sig við þættina Vini og sleppa öllum bíómyndahlutverkum.
Jim Carrey fer ágætlega með hlutverk sitt í þessar mynd og einnig Morgan Freeman, en það sem dróg myndina nyðir var endirinn, þar kom LANGUR kafli af væminni ástarvellu sem er ekki slæmt útaf fyrir sig en á ekki að vera í grínmynd sem þessari, en þrátt fyrir það þá er þetta góð mynd sem ég á öruglega eftir að horfa á aftur.
Little Nicky0 af 0 fannst gagnrýnin hjálpleg
Alveg óskiljanlegt að þetta þektur og góður leikari skuli taka að sér að leika í svona þvælu.
Ég hef verið mikill Adam Sandler fan eins og svo margir aðrir, en álit mitt á honum sem leikara datt niður um 2/3.
Þetta er ein sú mesta þvæla og leiðindar mynd sem ég hef séð.
Ef þú ert 7 ára þá gæti verið að þér finnist þetta góð mynd, en ef þú ert eldri en það þá bara verð ég að vara þig við.
Hearts in Atlantis0 af 0 fannst gagnrýnin hjálpleg
Ágætis mynd sem gerð er eftir bók með Stephen King.
Fjallar um mann sem kemur til síns gamla heimabæjar og fer að ryfja upp æskuárin sín í litlum bæ í Connecticut, en þegar hann var yngri kynntist hann undarlegum manni að nafni Ted Brautigan (Anthony Hopkins) sem hann eyðir miklum tíma með, einnig sem hann er í lítilli vinnu fyrir hann við það að lesa blaðagreinar fyrir hann þar sem sjónin hjá Ted er ekki eins og hún var áður.
Söguþráðurinn er frekar lítill í þessari mynd, og það gerist ekki mikið í henni en samt er þetta ágætis mynd sem maður verður að klára ef maður byrjar á henni.
Hinsvegar fannst mér leikurinn hjá nánast öllum leikurunum vera mjög góður og þar ber hæst að nefna Anthony Hopkins.
Fín mynd til að glápa á á sunnudagskvöldi, en hún skilur samt mjög lítið eftir sig.
The Time Machine0 af 0 fannst gagnrýnin hjálpleg
Ég hafði smá væntingar fyrir þessari mynd þegar ég fór á hana í bíó, einnig þar sem ég hef alltaf haft svo gaman af framtíðarmyndum.
En mikið vildi ég að ég hefði bara sleppt því að fara á þessa mynd og keypt mér bara pítsu eða eitthvað í staðinn, það hefði verið skemmtilegra að horfa á pítsuna.
Þetta er skelfileg mynd sem ég vara þig við að horfa á.
The Master of Disguise0 af 0 fannst gagnrýnin hjálpleg
Þessi mynd er sú versta sem ég hef séð í langan tíma, ef ekki bara sú versta.
Þetta á að heita grínmynd, ég hló ekki yfir einu atriðið.
Það lá við að ég græti þegar ég var búinn að horfa á þessa mynd því ég sá svo eftir tímanum sem fór í að horfa á þetta rusl.
Það er ekki að ástæðulausu að þessi mynd hefur fengið svona slæma dóma. Þess vegna vara ég þig við því að horfa á þessa mynd, notaðu tíman þinn í eitthvað betra heldur en sjálfspíningar.
Rocky V0 af 0 fannst gagnrýnin hjálpleg
Dapurlegur endir á Rocky myndunum.
Fjallar um þegar Rocky kemur aftur til Bandaríkjana eftir að hafa barist við Ivan Drago í rússlandi.
Rocky sem ekki getur barist meira vegna meiðsla byrjar að þjálfa upp strák að nafni Tommy Gunn og eyðir miklum tíma með honum, syni Rocky til mikilla ama þar sem hann fær litla sem enga athygli, en hann er leikinn af Sage Stallone syni Sylvester Stallone.
Þessi mynd hefði aldrei átt að vera gerð.
Hún er illa leikinn handritið er glatað og myndin er bara ónýt.
Ein og hálf stjarna samt fyrir box atriðin og fyrir að vera Rocky mynd.
All About the Benjamins0 af 0 fannst gagnrýnin hjálpleg
Eftir rúmar 15 min af þessari mynd var ég mikið að pæla um að hætta bara að horfa, en það er eitt sem ég bara geri aldrei sama hvaða mynd það er, þannig að ég horfði á hana til enda.
Þessi mynd valdi mér miklum vonbrigðum.
Leikararnir voru svo lélegir að það mætti halda að þetta væru klámmyndaleikarar að reyna að gera bíómynd.
Handritið er illa skrifað og það er lítið sem ekkert sem gengur upp í þessari mynd.
¡Three Amigos!0 af 0 fannst gagnrýnin hjálpleg
Með þeim bestu gamanmyndum sem hafa verið gerðar.
Ég ákvað að taka mér þessa mynd á leigu þar sem það voru orðin nokkur ár síðan ég sá hana síðast og ég mundi að þetta hafi verið góð mynd.
Og ég mundi rétt.
Þessi mynd er gargandi snilld, og ef þú hefur ekki séð hana þá skaltu drífa þig í því, því öll höfum við gott af því að hlægja.