Welcome to the Punch (2013)

Breskur glæpamaður sem faldi sig á Íslandi snýr aftur til Lundúna eftir að sonur hans er skotinn og gefur um leið lögreglumanninum Max Lewinsky eitt tækifæri enn til að handsama sig. Þrjú ár eru liðin síðan hinn eitursnjalli Jacob Sternwood framdi bíræfið rán í London ásamt félögum sínum. Minnstu mátti þó muna að lögreglumaðurinn Max Lewinsky næði að hafa hendur í hári hans en viðskiptum þeirra í það skiptið lauk með því að Max lá óvígur eftir og Jacob komst undan. Dag einn er komið að ungum manni sem liggur í blóði sínu eftir að hafa verið skotinn. Í ljós kemur að þetta er Ruan Sternwood, sonur Jacobs, og að hann hefur verið svikinn af fyrrverandi félögum sínum. Þegar Jacob fréttir þetta, þar sem hann er í felum á Íslandi, ákveður hann að snúa aftur til Lundúna. Hann veit auðvitað að þar með er hann um leið að ganga beint í gin ljónsins og að uppgjör við Max er óumflýjanlegt ...