Red Lights (2012)

Dr. Margaret Matheson og Tom Buckley rannsaka svokallaða yfirskilvitlega atburði og afhjúpa svindlara sem halda því fram að þeir geti náð sambandi við handanheiminn eða læknað fólk með handayfirlagningum með því að koma auga á það sem Dr. Matheson kallar “rauðu ljósin”, brellurnar bakvið sviðsetninguna. En þegar hinn víðfrægi blindi miðill Simon Silver snýr aftur eftir meira en 30 ára hlé, líst Matheson ekki á blikuna. Hún varar Buckley við og segist óttast hefnd Silvers sem hún glímdi við forðum. Buckley og aðstoðarmaður hans eru hinsvegar staðráðin í að afhjúpa Silver með öllum tiltækum ráðum. Að því kemur þó að Buckley stendur frammi fyrir óútskýranlegum uppákomum sem fá hann til að efast í vantrú sinni.