Operation: Endgame (2010)

Myndin segir frá tveimur leigumorðingjateymum á vegum ríkisstjórnarinnar, og eru bækistöðvar þeirra sameiginlegar, niðurgrafnar á háleynilegum stað í Bandaríkjunum. Meðlimirnir nota að sjálfsögðu ekki raunveruleg nöfn sín, heldur eru allir með dulnefni fengin úr Tarot-spilastokkum. Þegar nýliðinn Fíflið (Anderson) mætir til vinnu í fyrsta sinn fær hann ekki mikinn tíma til að koma sér inn í starfið, því hann kemst að því að yfirmaður hans hefur verið myrtur á mjög skuggalegan og dularfullan hátt. Hann þekkir engan í hópunum tveimur og hinir leigumorðingjarnir treysta að sjálfsögðu engum, þannig að fljótlega tekur við kapphlaup við tímann að finna morðingjann áður en leigumorðingjarnir verða allir búnir að stúta hver öðrum.