Fletch (1985)

Chevy Chase leikur hér blaðamanninn Irwin Fletcher sem ákveður að þiggja háa peningaupphæð af manni fyrir að Fletch drepi hann. Fletch finnst eitthvað bogið við þetta þó og ákveður að komast að sannleikanum. Fletch er eiginlega hálf léleg mynd og á sér fáa góða punkta. Söguþráðurinn heldur áhuga manns allan sýningartímann en leikurinn, umgjörðin o.fl. gefa sterkan sorpkeim af þessu og auk þess eru brandararnir ekkert að virka. Chevy Chase er ágætis leikari en þessi tilraun hans hér til að halda uppi heillri gamanmynd aleinn mistókst. Það má alveg fylgjast með þessari mynd, hún nær að byggja upp vissa spennu og er kannski ekki alveg drepleiðinleg en hún hefur elst illa og er hálf slöpp. Ég segi ein og hálf stjarna.

Ein fyndnasta mynd Chevy Chase, hvar hann fer með hlutverk rannsóknarblaðamannsins Fletch. Fletch þessi skrifar undir nafninu Jane Doe og þegar hann er að rannsaka mögulega þáttöku lögreglunnar í fíkniefnasölu á ströndinni vindur sér að honum ókunnugur maður og biður hann góðfúslega að drepa sig. Svo vindur sagan hressilega upp á sig og er hrein unun þegar gamli bregður sér í allra kvikinda líki. Sérstaklega er Blue Moon senan eftirminnileg enda eitthvað það alfyndnasta atriði sem undirritaður hefur séð.