Haute Cuisine (2012)

Í forsetatíð François Mitterrand í Frakklandi 1981–1995 gerðist það í fyrsta skipti að kona var ráðin sem einkakokkur forsetans í Elysée-forsetahöllinni. Myndin er byggð á æviminningum Danièle Mazet-Delpeuch sem varð sjálf mest hissa á sínum tíma þegar hún var ráðin til Elysée-forsetahallarinnar til að gegna stöðu einkakokks forsetans, enda ómenntuð í faginu. Í ljós kom að það var annar frægur og rómaður franskur kokkur, Joel Robuchon, sem hafði mælt með ráðningu hennar eftir að Mitterrand hafði látið í ljós ósk um að fá kokk sem gæti eldað eins og amma hans. En yfirtaka Danièle á eldhúsi Elysée-hallarinnar varð ekki átakalaus ...