Goliyon Ki Rasleela Ram-Leela (2013)

Það hafa margar leikgerðir verið gerðar af sögunni um Rómeó og Júlíu eftir Shakespeare. Þetta er Bollywood leikgerð af sögunni. Ungt ástfangið par blandast inn í blóðugar deilur stríðandi fylkinga. Þar togast á ástin og skyldan. Myndin hefur allt sem sönn masala mynd þarf að hafa. Kynþokkinn drýpur af hverri senu og er samleikur aðalleikaranna virkilega heillandi og dansarnir magnaðir og kraftmiklir. Myndin var frumsýnd á Indlandi í nóvember 2013 og þóttu dansatriðin hreint sjónarspil enda fékk myndin verðlaun fyrir búninga, leikstjórn og klippingu.