The Armstrong Lie (2013)

Kvikmyndagerðarmaðurinn Alex Gibney fylgdi hjólreiðamanninum Lance Armstrong eftir í fjögur ár til að gera heimildarmynd um endurkomu hans í Tour de France-keppnina sem Armstrong hafði þá þegar unnið sjö sinnum. Myndin átti að heita The Road Back og vissi Alex ekki betur en að hann væri að gera mynd um hetju, enda var Armstrong einhver dáðasti íþróttamaður heims. Við vinnslu myndarinna gerðist það hins vegar að ásakanir um að Armstrong hefði notað ólögleg lyf fengu byr undir báða vængi. Armstrong neitaði öllu lengi vel, en neyddist að lokum til að játa misnotkunina á sig og var í kjölfarið sviptur öllum titlum sem hann hafði unnið til í þessari frægustu hjólreiðakeppni heims. Það má því segja að í myndinni, sem Alex ákvað að breyta heitinu á í The Armstrong Lie, fái áhorfendur að sjá alla söguna, frá upphafi til enda, beint af vörum Armstrongs og annarra sem best þekkja til málsins.