Emma (1996)

Til þess að fíla þessa mynd þarftu að hafa húmor fyrir Bretum og yfirborðslegri hegðun þeirra hér áður fyrr. Þú verður að þola smá skammt af væmni og síðast en ekki síst að hafa yndi af rómantískum gamanmyndum. Persónur myndarinnar eru stórskemmtilegar og Gwyneth Paltrow fer algjörlega á kostum sem Emma en í raun má þó segja að allir leikararnir standi sig frábærlega. Þessi mynd á örugglega eftir að koma þér á óvart og er kjörin á fyrsta deiti ef heilla á stúlku og koma af stað rómantískri stemmningu.