Gang Girls (2000)

Stelpugengismyndin sem olli straumhvörfum! Fjórar dúndurgellur þeysa um á mótórhjólum á Lower East Side í New York og á strönd Coney Island. Film Threat kallaði þetta “snilldarmynd” og gaf henni fjóra og hálfa stjörnu. Katrina Del Mar hefur verið kölluð óskilgetið afkvæmi Russ Meyer (með viðkomu í Larry Clark) fyrir fyndnar, fjörugar og grófar myndir sínar um eldhressar lesbíur sem tæta og trylla á mótórhjólum og rétta manni og öðrum einn á lúðurinn ef því er að skipta. Myndirnar eru gerðar fyrir afar litla peninga en einkennast af ástríðu og krafti, þetta eru nútíma ævintýri með skvettu af ljótum raunveruleika sem glóir eins og gimsteinn í kórónu hreinnar fantasíu.