The Shukar Collective Project (2010)

Shukar Collective er vel þekkt rúmönsk hljómsveit sem er við það að leysast upp. Í þessari mynd kynnumst við ekki aðeins meðlimum sveitarinnar, sem eru á aldrinum 29-67 ára, og klúbbunum, tónleikastöðunum og hljóðverunum í Búkarest, heldur einnig heimilum sígauna í Teleorman og Giurgiu. Hér eru mörk menningarheima –þess gamla og hins nýja, hefðar og framúrstefnu, tækni og frumstæðni, sígauna og Rúmena – könnuð í mynd sem fer ótroðnar slóðir hvað varðar sjónræna framsetningu.