Reykjavik Dance Festival (2011)

Reykjavík Dance Festival kynnir í samstarfi við Bíó Paradís úrval styttri og lengri dansmynda í valinni dagskrá þar sem við fáum að kynnast rjómanum í íslenskri og alþjóðlegri dansmyndagerð. Breiddin er mikil og viðfangsefnin ólík en dans og hreyfing koma þar alls staðar við sögu í margvíslegu og ólíku samhengi þar sem dulúð dansformsins mætir næmi linsunnar ýmist á raunsæjan, framúrstefnulegan eða absúrd hátt. Allt er mögulegt. Auk dagskrár í Bíó Paradís kynnir RDF röð video-innsetninga eftir bæði myndlistarmenn og danshöfunda sem verða til sýnis í Bíó Paradís, Tjarnarbíói og Dansverkstæði/Kex Hostel, Skúlagötu 28. Góða skemmtun!