Letter from an unknown woman (1948)

"Þegar þú lest þetta bréf verð ég líklega dáin." Svona hefst bréfið sem glaumgosi nokkur (Jordan) finnur á hótelherbergi sínu kvöld eitt í Vín um aldamótin þarsíðustu. Hann hefur komið sér í vandræði, þarf að heyja einvígi við móðgaðan eiginmann í bítið en hyggst flýja. Bréfið tefur brottför hans, forvitni hans er vakin. Innihald þess er frásögn um ástarævintýri sem hann man ekki eftir. Það er frá ungri konu (Fontaine) í borginni sem hefur verið hugfangin af glaumgosanum allt frá unglingsárum. Einni kvöldstund eydi hún í örmum hans og það var hápunktur lífs hennar. Fyrir glaumgosanum var hún hinsvegar aðeins enn ein hjásvæfan sem átti leið um svefnherbergi hans.