Shaun of the Dead (2004)

Ja, hvað getur maður sagt???

Þetta er ein besta zombie mynd sem að ég hef séð.Bretar eru snillingar, þessi mynd er svona must-see mynd og þar á meðal er 28 days later sem er líka bresk. Þessi mynd fjallar um Shaun og vin hans Ed, sem þurfa að komast úr zombie her(auðvitað er fleira fólk en þeir tveir). Ég segi ekki meir.

Ég fór á myndina með kærastanum og verð að játa að ég grenjaði af hlátri. Að mínu mati er þetta frábær paramynd. Hún inniheldur rómantík (fyrir hana), splatter (fyrir hann) og húmor (fyrir bæði). Þessu er síðan spinnað saman í eina ótrúlega skemmtilega heild og útkoman er mynd, sem ég ætla bókað að sjá aftur.

ÞESSI MYND ER ÆÐISLEG!!! Breskur húmor eins og hann gerist bestur! Frábærlega leikið meistaraverk! Ég gef henni tíu stjörnur af fjórum mögulegum! Ég var glottandi alla leiðina heim! Ég hef aldrei skemmt mér jafnvel í bíó!!!! 800 króna virði skal ég sko segja ykkur!

Ég fékk frímiða á hana þann 29/7 hélt að þetta væri svona alltílæ mynd hljómar ekkert spes a romantic comedy, with zombies hélt að þetta ætti að vera eitthver hálfmisheppnuð grínmynd en svo var ekki þetta var geðveikt fyndin og ekki bara það hún var líka ógeðsleg og nasty, plús fyrir þá sem fíla grínmyndir og splattera.

Það er alveg ótrúlegt hvað bretar geta gert við ýmsa efniviði. Shaun of the Dead er meginlega nett rugluð grínmynd í bland við Zombie-hrollvekju, en undir því yfirborði er rómantísk gamanmynd lúmskt innifalin. Mjög sérstakt, og - að mínu mati - drepfyndið. Þetta er ekki þessi týpíski breski húmor. Myndin er einfaldlega bara að spila með Zombie-geirann og gerir óspart grín að honum ásamt því að fylgja formúlunni jafnóðum. En niðurstaðan er alveg sprenghlægileg. Myndin er augljóslega ódýr, og það er svakalegur cult-blær á henni. Eins og áður sagði, þá er smá rómantískur þráður í myndinni sem fer í gang fyrri partinn, en í kjölfarið eftir að fjörið fer af stað fjölgar vitleysunni stöðugt og atburðarrásin minnir oft skemmtilega á B-hrollvekjur Peters Jackson (Bad Taste og Braindead m.a.) á gömlu tímunum. Maður þarf að hafa svolítið sérstakan smekk fyrir húmor, sérstaklega við mynd eins og þessa. Shaun of the Dead er samt alls ekki eins þunn og við mátti búast, og þrátt fyrir að vera mestmegnis flippuð grínmynd hún nær undarlega vel að leyfa áhorfendum að tengjast persónunum. Leikararnir standa sig óhemju vel. Það eru ekki mörg þekkt andlit hérna (ekki nema þið hafið séð bresku þættina Spaced eða Big Train), en Simon Pegg ber myndina uppi í aðalhlutverkinu og ætti að vera stoltur af því. Og svo er auðvitað alltaf gaman að sjá gamla refinn Bill Nighy (sem seinast stal senunni í Love Actually) bregða sér fyrir á skjánum. Myndin gengur upp á nær allan hátt og nær því fullkomlega að vera það sem hún ætlar sér. Þetta er frábær glaðningur svona yfir sumarið og góð hvíld frá háværum hasarmyndaræmum. Fólk sem kann vel við sig í smávægis splatter og fílar öðruvísi breskan húmor ættu ekki að hugsa sig tvisvar um, því Shaun of the Dead er ein, ef ekki ruglaðasta og skemmtilegasta grínmyndin sem lætur sjá sig á árinu. Fílaði hana mjög vel. Stórefa að ég sé í minnihluta þar.8/10

Þessi mynd er svo findin að það er ógeðslegt og að maður skuli hlægja að þessu, það er líka ógeðslegt.

Massív ræma frá bretum sem ger stólpa grín af myndum á borð við 28 days later og hreynlega bara öllum living dead myndum sem ég hef séð. Það er ekki hægt að kvarta undan húmornum sem er til staðar alveg frá fyrstu mínútu og fyrir þá hina sem vilja frekar viðbjóðinn, þeir geta ekki heldur kvartað þar sem að hann er líka til staðar og alveg nóg af honum.

Ég gef henni 3 og 1/2 stjörnu þar sem að hún á það fyllilega skilið, það eru vel valdir leikarar í öllum hlutverkum sem skila sínu frábærlega, húmorinn er ómótstæðilegur og hugmyndin vel útfærð fyrir blóðsþyrrsta áhorfendurnar sem fá magakrampa af hlátri.

Bretar hafa fyndnasta húmor í heimi og greinilega líka versta. Shaun of the Dead er hræðileg kvikmynd. Ég er reiður yfir því að hafa borgað 800 krónur í þetta drasl. Ég fór út í hléinu en þá voru 70 min búnar og rosalega er ég glaður yfir að hafa ekki eytt öðrum 30 min í þetta drasl sem hefði átt að brenna eða betur aldrei átt að vera gert. Ég er mikill aðdáðandi bresks húmors en þetta er EKKI breskur húmor. Þetta er ófrumleg hugmynd gerð að lélegri grínmynd sem einbeitir sér á lélegri ástarsögu. Þasð var ekki einn brandari sem mér fannst verulega fyndinn. Í fjögur skipti hló ég gervihlátur. Þetta er fyrsta myndin á kvikmyndir.is sem ég gef eina stjörnu og ég vil aldrei sjá hana aftur. Ég ráðlegg öllum að halda sér frá henni.