Catwoman (2004)

Jæja, maður skellti sér í bíó að sjá þessa ágætu og vanmetnu mynd. Ég er ekki alveg að fatta af hverju Catwoman fær svona slæma dóma því hún er alveg ágæt. Halle Berry hefur aldrei að mínu mati verið nein fegurðardís en mér fannst hún fín hér, þó ef til vill kannski frekar sem Patience Phillips heldur en sem hin eiginlega titilpersóna sem er nú engin Michelle Pfeiffer(hin kattarkonan úr Batman returns)ef út í það er farið. Svo verð ég að nefna Sharon Stone sem mér fannst alveg glötuð í sínu hlutverki, manneskjan hefur oft verið skemmtileg og flott í gegnum tíðina en núna er hún orðin eitthvað svo....gömul og bara pirrandi. Whatever, ég mæli með þessari fyrir þá sem hafa gaman af ofurhetjumyndum en öðrum gæti máske leiðst. Ég allavega skemmti mér og gef Catwoman tvær og hálfa stjörnu.

Sama hversu lélegar myndir geta orðið leynist oft lítill möguleiki að maður geti haft lúmskt gaman af þeim. Catwoman er bara plain léleg. Hún er bara svo gífurlega slæm að það er ekki vottur af efnivið sem hægt er að flokka undir skemmtanagildi. Setningin ''all style, no substance'' hefur heldur sjaldan átt eins vel við mynd sem þessa. Leikstjórinn Pitof (?) gerir þetta undir einhverjum fáránlegum 'MTV stíl' þar sem klippingarnar eru hraðar og hver rammi endist varla meira en nokkur sekúndubrot. Greinilega er ætlast til að áhorfandinn hafi ekki hugmynd um hvað er í gangi. Tæknibrellurnar eru líka ferlega ofnotaðar og þjóna tilgangi sínum ekki nógu vel. Heildarniðurstaðan virkar þar af leiðandi eins og einhver furðulegur blendingur af tónlistarmyndbandi og tölvuleik. Halle Berry greyið er heldur ekkert að standa sig. Þetta er örugglega fyrsta skiptið þar sem nýlegur Óskarsverðlaunahafi á möguleika á Razzie-verðlaunum eftir svo stutt tímabil. Manneskjan er alveg hreint ÓÞOLANDI hérna. Hún gerir ekkert nema að dæla úr sér hlægilegar, klisjukenndar setningar, hoppa um og mala út í eitt (hvernig getur slíkt EKKI verið hallærislegt??). Auk þess þyrfti einnig alvarlega að reka búningahönnuðinn, því þessi fatnaður sem Berry skoppar um í er líklega sá hörmulegasti sem myndasögupersóna hefur klæðst (ath. ég tel Daredevil-búninginn með...). Að þessi mynd skuli líka taka sig svona alvarlega með ofurhetju sem lítur úr eins og einhver dominatrix gerir dæmið heldur ekkert skárra. Í mínum augum er Michelle Pfeiffer hin eina sanna Kattarkonan, og þegar þessi mynd var hálfnuð var ég farinn að sakna hennar og slagsmálin við Leðurblökumanninn. Ég skil heldur ekki hvernig aðstandendum gat fundist það góð hugmynd að hafa Kattarkonuna sér í einni mynd (án Batman þ.e.a.s.). Persónan er hvort eð er svo óáhugaverð og þunn að manni er asskoti sama um hana. Yfir heildina er Catwoman bara hund-(eða katt-)leiðinleg, og með myndasöguræmur í gangi eins og Spider-Man 2, Hellboy og The Punisher fellur hún gjörsamlega í kattarsandinn.2/10

Ég fór á þessa mynd og átti von á ágætis skemmtun, í staðinn fékk ég hrikalega lélega og óraunverulega mynd.

Myndin er rugl frá byrjun til enda, Bardaga atriðin eru óraunveruleg. Mér persónulega finnst fáránlegt að hún allt í einu geti gert alla þessa hluti sem hún gat áður alveg án þess að æfa sig. Og ekki vissi ég að kettir væru bardagahetjur.

Halle Berry leikur ágætlega í þessari mynd, og einnig mótleikarar hennar. Ég var þó ekki að fíla sharon stone í þessari mynd þó, Leikur svona merkilega og of góða með sig konu. Eða sumsé mjög lík sér í raunveruleikanum :)

Og það allra fáránlegasta við þessa mynd, hún lendir í slagsmálum við kærasta sinn sem catwoman. Og auðvitað þekkir hann hana ekki, því hún var með smá leðurgrímu fyrir augunum.

Söguþráðurinn er algert rugl, Myndin er illa leikstýrð, tæknibrellurnar eru lélegar.

Ég verð að segja að eiginlega eina ástæðan fyrir að ég fór á þessa mynd var að sjá Halle Berry í Leðurbúninginum (og varð ég ekki vonsvikin við að sjá það)...En myndin fannst mér bara fín afþreying og ekkert annað og einnig fannst mér leikurinn í þessarri mynd ekki góður og því hlýtur hún að mínum dómi bara hálfa stjörnu því að þessi mynd er Fín afþreying og EKKERT annað....

Vá... léleg mynd ? óóójá ! ég horfði bara á fyrri helmingin og það var nóg til að fá æluna nokkrum sinnum upp í háls, halle berry er síbrosandi eins og fáviti, kann ekkert að leika amk í þessari mynd, ætti bara að senda hana beina leið aftur í leik-skóla og kenna kerlingunni að leika. ég held nú barasta að hvorki konur né karlar hafi nokkurn áhuga á að horfa á þessa mynd, öööööööööömurlegur sori sem ég mæli með að allir haldi sig frá.


þessi mynd hefur nýlega verið kosin 50. versta mynd heimsins með meðaleinkunnina 2.4 hjá www.imdb.com... ekki gera framleiðundunum þann greiða að horfa á þessa þvælu !

Ég veit eiginlega ekki hvað segja skal um Catwoman en allavega byrjum á því að segja að hún hafi verið léleg þar til Halle Berry fór í búninginn, eftir það varð afspyrnu léleg og móðgun við kvikmyndagerð. Hræðilegt handrit, illa leikin, aukapersónur klisjukenndar og lélegar, húmór og frasar á því plani að maður skammaðist sín fyrir að heyra þá og leikstjórnin hræðileg. Held að ég noti bara orð Kurtz ofursta til að lýsa þessari mynd:The horror, the horror. Og myndin lítur ekki út fyrir að hafa kostað það sem fór í hana, 100 milljónir dollara.



Þessi mynd mun eiga í harðri samkeppni við Opinberun Hannesar um titilinn versta mynd ársins.

Þegar ég sá þessa mynd átti ég nú ekki von á miklu, hélt að þetta yrði einsog Hellboy: góður trailer en myndin sökkar. En svo eftir allt er þetta bara fínasta mynd, söguþráðurinn er finnst mér bara mjög góður og fer Halle Berry vel með hlutverk Kattarkonunnar(Catwoman) og eini sona gallinn í þessari mynd eru tæknibrellunar, hefðu mátt vera svolítið betur gerðar því maður sér eiginlega alltaf hvort þetta sé tölvugert eða ekki. en myndin fjallar um patience Phillips(Halle Berry) sem á ómerkilegt líf og er auglýsinga hönnuður. síðan kemur að því að hún heyrir eitthvað sem hún má ekki heyra og er drepin en er síðan endurlífguð af ketti, og fara þá undarlegir hlutir að gerast. En já, myndin er eftir allt alveg fín mynd og ég gef henni þessvegna 3 stjörnur:)