The Hunted (2003)

William Friedkin (Exorcist, Rules of Engagement)hefði betur mátt sleppa því að leikstýra The Hunted því þessi mynd er alls ekki til þess fallinn að auka hróður hans sem leikstjóra. The Hunted fjallar í stuttu máli um hermanninn Aaron Hallam (Benicio Del Toro) sem missti vitið í stríðinu í Kosovo. Nokkrum árum seinna hverfur hann sporlaust en þega illa útleikinn lík finnast í skóglendi beinast augun að honum. Eins og vaninn er í slæmum bíómyndum er aðeins EINN maður sem getur fundið hann og það er L.T. Bonham (Tommy Lee Jones). Hann þjálfaði Hallam fyrir Kosovostríðið. Myndin er eltingaleikur út í gegn með fáránlegri atburðarrás. Hallam er nánast eins og ofurhetja sem ekkert bítur á og bardaginn milli hans og Bohams er nánast hlægilegur. Allar tilraunir til að ná fram dýpt í persónurnar mistakast all illilega. Dramatíkin fer fyrir ofan garð og neðan. Tilraun er gerð til að vekja samúð með Hallam en það fer inn um annað eyrað og út um hitt. The Hunted er afskaplega slöpp hasarmynd sem er í raun ekki um neitt. Forðist þessa.

Þessi mynd var mér til mikilla vonbrigða þar sem að ég bjóst við góðri mynd miðað við leikaravalið í henni. Hún er eiginlega bara lélegt framhald af The fugitive. Mér fannst samt verst hversu illa Benicio del toro var að leika í henni. Hann var ekki alveg að höndla þennan ameríska hreim.

Miðað við fagmennina sem hér eru um að ræða myndi maður búast við betri mynd, en The Hunted er bara ekki neitt sem maður hefur ekki séð ótal mörgum sinnum áður. Sagan minnir á fyrstu Rambo-myndina og atburðarásin spilast út eins og í The Fugitive. Leikararnir gera heldur ekki marga góða hluti. Tommy Lee Jones er í raun bara að endurtaka hlutverk sitt úr fyrrnefndri mynd sem og U.S. Marshals, og Benicio Del Toro virðist ekki fá neitt mikið að gera annað en að hlaupa um og fela sig mest allan tímann, sem er bara sóun á hæfileikum tveggja Óskarsverðlaunahafa. Annar stór galli við myndina er að hún er bara ekkert spennandi, hún er bara blóðug, þótt ónauðsynlegt sé, og slagsmálaatriðin eru á köflum bara yfirdrifin og kjánaleg. Lokabardaginn er svo hlægilegur að það er með ólíkindum. En jú jú, The Hunted má alveg teljast sem svona meðalgóð afþreying handa fermingarbörnum og unglingum sem mega ekki horfa á mynd með 16 ára aldursstimpil, en formúlan er bara skelfilega þreytandi fyrir eldri hópa, og ég vona að hún verði notuð á frumlegri máta í framtíðinni. Skil samt ekki hvað reyndur maður eins og William Friedkin var að hugsa. Hann á að vita betur.4/10

Þetta var hin fínasta ræma og vanntaði ekki spennuna. Hún fjallar um sérsveitamannainn Hallam (Benicio Del Toro) sem er sendur í svaðilör en eru minningarnar úr förinni alveg að fara með hann og hann snappar. Þá er Tommy Lee Jones sendur á eftir honum til þess að ná honum og hefst stórkostleg spenna. Það eru mjög flott bardagaatriði í myndinni eða öllu heldur hnífabardagar sem kemur manni í rétta fílinginn. Ég verð að segja að þetta er mynd sem enginn má láta fram hjá sér fara.

Ég varð fyrir miklum vonbrigðum með þessa mynd sem ég hafði bundið miklar vonir við. Hún er nánast endurgerða af U.S Marshals því söguþræðirnir eru svo ofboðslega líkir. Myndin lofar mjög góðu í byrjun og sér maður strax hversu ofboðslega vel ódámurinn hefur verið þjálfaður og gefur manni einnig glögga mynd af því afhverju maðurinn fer yfir um. Myndin missir síðan dampinn fljótlega og eitthvernveginn nær honum ekki upp aftur þó svo að hún sé allan tímann spennandi og tapi því ekki niður þá er hún eitthvernveginn bara of mikil endurtekning á U.S Marshals, ef Tommy Lee Jones væri ekki í þessu hlutverki þá mundi maður kanski ekki taka jafn mikið eftir því, þar sem að hann er eitthvernveginn í nákvæmlega sama hlutverkinu og er eini munurinn sá að hann er einfaldlega ekki að elta Wesley Snipes heldur Benicio Del Toro.

Allir leikarar skila sínu þó nokkuð vel og gamli refurinn bregst alls ekki sínum áhangendum, Del Toro stendur sig líka með prýði og nær að tjá vitfyrru sérsveitarmanns mjög vel.

Myndin er þónokkuð ofbeldisfull og slagsmálaatriðin milli þjálfara og lærlings nokkuð brútal og flott þó svo að fyrsti bardagi þeirra dragi það örlítið niður.

Ég get alveg mælt með myndinni, en ef þú hefur eitthvað annað við peninginn að gera þá skaltu bara fara og gera það í staðinn, og bíða eftir henni á video, því hún stendur ekki undir væntingum.