Tvær tilnefningar til Óskarsverðlauna, Kieran Culkin fyrir leik og Eisenberg fyrir handrit. Culkin fékk BAFTA verðlaunin fyrir leik sinn og handritið fékk sömuleiðis verðlaun.
Hinir ólíku frændur David og Benji fara saman í ferðalag til Póllands til að heiðra ástkæra ömmu sína. Ævintýrið tekur óvænta stefnu þegar gamlar deilur félaganna koma aftur fram á sjónarsviðið.
Það fékk mikið á Jennifer Grey, sem er bandarískur Gyðingur, að heimsækja Majdanek og hún átti erfitt með að hætta að gráta. Jesse Eisenberg hélt þessum viðbrögðum í fyrstu inni í kvikmyndinni, en að lokum hætti hann við það, því það gæti \"truflað\" tóninn í myndinni.
Píanóverkin sem heyrast í gegnum alla myndina eru eftir pólska tónskáldið og píanósnillinginn Frédéric Chopin, en hann er almennt talinn eitt mesta tónskáld sögunnar.
