Brigsby Bear (2017)

James hefur alla sína ævi búið í neðanjarðarbyrgi. Hann veit ekki að foreldrar hans eru ekki foreldrar hans heldur rændu þau honum sem litlu barni og lokuðu inni. Loks er honum bjargað úr prísundinni og komið til sinna raunverulegu foreldra. Aðaláhyggjuefni James eftir björgunina er afdrif brúðunnar Brigsbys sem hann hafði alltaf horft á í sjónvarpinu. Í ljós kemur að þættirnir um Brigsby voru búnir til af ræningjum hans og því er ekki nokkur leið að James fái nokkurn tíma að sjá endalok sögunnar. En hann kann ráð við því.