Tökur á bresku spennuþáttunum Fortitude stóðu á Reyðarfirði með hléum frá janúar sl. og fram á sumar. Þættirnir eiga að gerast á Svalbarða þar sem engir alvarlegir glæpir hafa átt sér stað, þar til nú.
Með aðalhlutverk í þáttunum fara Stanley Tucci, Sofie Gråbøl og Christopher Eccleston. Íslenski leikarinn Björn Hlynur Haraldsson fer einnig með hlutverk í þáttunum, sem verða alls 12 talsins. Um 70 Íslendingar unnu að gerð þáttanna við tökur á Austurlandi.
Ný myndbönd sem gefa innsýn í gerð þáttanna á Íslandi ásamt kynningarmyndbandi voru sett á vefinn rétt í þessu. Hér að neðan má sjá myndböndin.
