Ný stikla er komin fyrir gamanmynd Quentin Dupieux, Wrong Cops, en myndin verður frumsýnd í næsta mánuði í almennum sýningum, en hún var fyrst sýnd á Sundance kvikmyndahátíðinni í Bandaríkjunum í byrjun þessa árs.
Í myndinni leika m.a. Mark Burnham, tónlistarmaðurinn og leikarinn Marilyn Manson ( hlutverk unglings ), Eric Wareheim og Steve Little.
Myndin fjallar um löggu sem er orðin leið á lífinu og selur eiturlyf og áreitir unglinga til að dreifa tímanum, ásamt því sem aðrir lögregluþjónar taka þátt í skrítnum uppátækjum, eins og sést í stiklunni og plakatinu hér fyrir neðan.
Einnig leika í myndinni þeir Ray Wise og Jon Lajoie.
