Kæru lesendur. Vegna óviðráðanlegra aðstæðna höfum við neyðst til að flytja dagsetningu Kvikmyndaverðlaunanna okkar frá fimmtudeginum 10. febrúar til föstudagsins 11. febrúar.
Var þetta vegna vandkvæða sem komu upp við að leyfa sýningu á myndinni sem mun fylgja verðlaununum á fimmtudeginum. Í staðinn fyrir að sýna aðra og lakari mynd á fimmtudeginum ákváðum við að hafa verðlaunin á föstudagskvöldinu og halda sömu mynd. Hvaða mynd það er munum við tilkynna á morgun.
Í kvöld munum við svo draga út 15 heppna vinningshafa úr hópi kjósenda, en 10 þeirra munu vinna ýmsan skemmtilegan kvikmyndavarning og 5 munu vinna miða fyrir tvo á verðlaunahátíðina sjálfa. Það er aðeins byrjunin á fjöldaúthlutun okkar á miðum á verðlaunin, en næstu daga verður nóg að gera í því, þar sem við finnum ýmsar skemmtilegar leiðir fyrir ykkur til að vinna miða. Bæði hér á Kvikmyndir.is og á Facebook-síðum okkar, bæði Kvikmyndir.is-síðunni og Myndir mánaðarins-síðunni.
