Smárabíó mun þann 28. febrúar nk. sýna myndina Nitro Circus 3D: The Movie. Í tilkynningu frá bíóinu segir að um sé að ræða bíóviðburð ársins; „aðeins ein sýning á einni rosalegustu kvikmynd sem gerð hefur verið,“ segir í tilkynningunni.
„Í myndinni sýna brjáluðu adrenalínfíklarnir í Nitro Circus hópnum hvernig hægt er að tvinna saman jaðarsport og afþreyingu á eftirminnilegan hátt.
Nitro Circus hópurinn hefur slegið í gegn víða um heim með sýningum sem eiga sér engan líka og hér um að ræða þeirra fyrstu kvikmynd í fullri lengd. Óhætt er að fullyrða að hér séu á ferðinni stærri og klikkaðri áhættuatriði en sést hafi áður á hvíta tjaldinu.“
Leikstjóri: Gregg Godfrey og Jeremy Rawle.
Handrit: Gregg Godfrey, Travis Pastrana og Jeremy Rawle.
Aðahlutverk: Travis Pastrana, Tommy Passemante ofl.
Sýnd: 28. febrúar.
Hvar: Í Smárabíói.
