Kick Ass 2 eða ekki Kick Ass 2?

Ætli verði gert framhald af ofurhetjumyndinni Kick Ass eins og margir vonast til? Jane Goldman, handritshöfundur myndarinnar, sagði í samtali við Absolute Radio að sem stendur væri hún ekkert að vinna í handriti að Kick Ass 2, og líklega yrði myndin aldrei gerð, en vildi þó ekki útiloka neitt. Hún segist einfaldlega hafa of mikið annað að gera, og það sama á við um leikstjórann Matt Vaughn, sem nú stýrir annarri ofurhetjumynd: X-Men: First Class.
Þetta þýðir þó ekki að búið sé að sparka Kick Ass 2 út í hafsauga, en amk. eru hlutirnir á bið.

Hér að neðan ræðir Goldman um Kick Ass í seinni hluta viðtalsins.