Samkynhneigt par og ættleidd dóttir þeirra eru í fríi í bústað.
Fjórir vopnaðir einstaklingar ráðast inn í bústaðinn og taka fjölskylduna í gíslingu og fyrirskipa henni að fremja óhugsandi verknað, annars verði endalok heimsins. Eitthvert þeirra verður að falla fyrir hendi hinna tveggja.
Þetta er það sem kvikmyndin Knock at the Cabin eftir M. Night Shyamalan fjallar um, en myndin kemur í bíó í dag.
6.1 
Stúlka og foreldrar hennar eru tekin sem gíslar af vopnuðum mönnum sem krefjast þess að fjölskyldan taki erfiða ákvörðun til að koma í veg fyrir heimsendi....
Í loftinu hangir spurningin hvort þessir fjórir einstaklingar séu einfaldlega sturlaðir og haldnir kvalalosta. Eða hafa þeir upplýsingar um yfirvofandi heimsenda? Og, sé svo, er rétt af þeim að neyða þessa fjölskyldu til að færa hina endanlegu fórn?
Þekktur fyrir The Sixth Sense
Handritshöfundur og leikstjóri er M. Night Shyamalan, sem meðal annars er þekktur fyrir myndirnar The Sixth Sense (1999), Signs (2002), The Village (2004) og Lady in the Water (2006).
Yfirleitt eru handrit Shyamalan ekki unnin upp úr verkum annarra en Knock at the Cabin er byggð á bókinni The Cabin at the End of the World (2018) eftir Paul G. Tremblay og er þetta í fyrsta sinn sem kvikmynd er byggð á verki eftir hann. Raunar var kvikmyndarétturinn keyptur 2017, ári áður en bókin kom út.
Hæglátur foringi
Meðal leikara í myndinni er Dave Bautista, sem er þekktastur fyrir leik sinn í Guardians of the Galaxy. Hann leikur Leonard, hæglátan foringja gíslatökumannanna sem neyðir fjölskylduna til að taka ákvörðunina hryllilegu.
Annar úr hópi gíslatökumannanna er leikinn af Rupert Grint, sem lék Ron Weasley í Harry Potter myndunum
Aðalhlutverk: Dave Bautista, Jonathan Groff, Ben Aldridge og Abby Quinn
Handrit: M. Night Shyamalan, Steve Desmond og Michael Sherman, byggt á bók Paul Tremblay
Leikstjórn: M. Night Shyamalan
Umfjöllunin birtist fyrst í Kvikmyndir mánaðarins, kvikmyndablaði Fréttablaðsins.
