Ný stikla er komin fyrir hryllingsmyndina Your´re Next eftir Adam Wingard og Simon Barrett, sem frumsýnd var á kvikmyndahátíðinni í Toronto árið 2011, en myndin hefur ekki enn farið í almennar sýningar í kvikmyndahús nú tveimur árum eftir frumsýninguna.
Frumsýna á myndina í bíóhúsum í lok næsta sumars.
Sjáðu stikluna hér að neðan:
Eins og sést í stiklunnni byrjar þetta á því að sýna fólk í góðum fíling, fullkomin fjölskylda er saman komin í húsi, og allir eru hamingjusamir – en svo skyndilega breytist allt þegar brotist er inn í húsið …
Helstu hlutverk eru í höndum Sharni Vinson, Joe Swanberg, A.J. Bowen, Nicholas Tucci og Barbara Crampton.
Sjáðu líka plakötin úr myndinni með myndum af grímuklæddum illmennum myndarinnar hér að neðan:
Myndin fjallar um það þegar hópur grímuklæddra axarmorðingja ræðst inn á endurfundi Davison fjölskyldunnar. Hin óheppnu fórnarlömb eru innilokuð þar til í ljós kemur að ólíklegasti fjölskyldumeðlimurinn reynist vera klókasti morðinginn af þeim öllum.
Myndin verður frumsýnd í Bandaríkjunum 23. ágúst nk.