Þá er stiklan fyrir Sherlock Holmes: A Game of Shadows lent á netinu og verður að segjast að hún lofi góðu. Í framhaldinu þurfa þeir Sherlock Holmes og Dr. Watson að berjast gegn hinum illa Professor Moriarty, en þeir komast að því að hér gæti verið jafningi þeirra á ferð.
Á leiðinni hitta þeir sérvitran og víðáttufælinn bróður Sherlock, hann Mycroft Holmes (Stephen Fry), sem og spákonuna Sim, leikna af hinni sænsku Noomi Rapace, sem gæti verið lykillinn að því að koma Moriarty bak við lás og slá. Með aðalhlutverkin fara þeir Robert Downey Jr., Jude Law og Jared Harris.
