Bíó Paradís frumsýnir myndina Camille Claudel 1915 á föstudaginn næsta, þann 11. október.
„Stórbrotin mynd sem er byggð á sjálfsævisögu eftir höfundinn og leikstjórann Bruno Dumont, en hún var frumsýnd á kvikmyndahátíðinni í Berlín 2013,“ segir í tilkynningu frá Bíó Paradís.
Myndin fjallar um myndhöggvarann Camille Claudel en við enda ferils síns, þjáist hún af geðrænum vandamálum. Hún eyðileggur styttur og sköpunarverk sín ásamt því sem hún heldur því stöðugt fram að fyrrum elskhugi sinn, myndhöggvarinn Auguste Rodin, hafi alla tíð stefnt að því að gera sér lífið leitt.
Sjáðu stiklu úr myndinni hér fyrir neðan:
Einn daginn sendir yngri bróðir hennar hana á hæli í útjaðri Avignon. Camille reynir að sannfæra lækninn sinn um það að hún sé fullkomlega heilbrigð, og það sé alveg með ólíkindum að hún þurfi að dvelja í kring um fólk sem augljóslega eigi við geðræn vandamál að stríða. Hún verður örvæntingarfull og þráir það einna heitast að bróðir hennar snúist hugur og bjargi henni úr aðstæðunum.
Tegund og ár: Drama/byggt á sjálfsævisögu 2013
Lengd: 95 mín
Land: Frakkland
Texti: Íslenskur
Leikstjóri: Bruno Dumont
Aðalhlutverk: Juliette Binoche, Jean-Luc Vincent, Emmanuel Kauffman
Dagskrá: Nýjar myndir
Sýnd: 11. október
