Jæja drengir, þá er Megan Fox komin á fast og vonin um að krækja í hina 24 ára gömlu þokkadís að engu orðin.
Talsmaður Fox segir að leikkonan sé nú trúlofuð kærasta sínum til margra ára, leikaranum Brian Austin Green, 36 ára.
Skötuhjúin sáust saman fyrr á þessu ári í vídeói á netinu þar sem þau eru að mótmæla niðurskurði í skólakerfinu í Kaliforníu.
Það er annars af Fox að frétta, að hún birtist næst á hvíta tjaldinu í kvikmyndinni „Jonah Hex,“ en hún verður frumsýnd í Bandaríkjunum á morgun, föstudag.
