Emma Stone að breytast í Gwen Stacy í Spider-Man

Leikarar í nýju Spider-Man myndinni eru þegar farnir að búa sig af fullum krafti undir myndina. Emma Stone, sem mun leika Gwen Stacy, kærustu Peter Parker, var tekin tali af MTV Splash á dögunum um hvernig hún hagaði undirbúningi sínum fyrir persónuna: „Í dag fór ég í hárprufur, því ég er ljóshærð núna af því að Gwen á að vera ljóshærð,“ sagði Stone. „Minn eigin háralitur er ljós, þannig að þetta er frekar flott,“ bætti hún við.
Hún ræddi einnig um ýmsar aðrar æfingar, en tökur á myndinni hefjast eftir nokkrar vikur.
„Andrew [Garfield] og ég fórum og lærðum náttúrufræði saman í gær. Gwen hefur mjög gaman af náttúrufræði.“
„Ég fékk mína menntun heima, þannig að ég fór aldrei í alvöru efnafræðikennslu í venjulegri efnafræðistofu, eins og Gwen er hrifin af. Þetta var mjög gagnlegt.“