Gamanleikarann Steve Carell dreymir um að leika illmennið í James Bond einn góðan veðurdag.
Carell er þekktur fyrir grínhlutverk sín í The 40 Year Old Virgin, Date Night og fleiri myndum en hefur áhuga á að venda kvæði sínu í kross.
„Draumur minn er að leika illmennið í Bond. Allir vilja leika í Bond-myndum,“ sagði Carell við The Sun.
„Það er hægt að túlka illmenni í Bond á áhugaverðan hátt. Þau geta haft útgeislun og næstum verið vingjarnleg og mannleg. Þau þurfa ekki að vera einhverjar fígúrur eða hrein og klár illmenni heldur geta þau verið manneskjur sem gera vonda hluti. Ég held að flesta leikara dreymi um að leika Bond-illmenni,“ sagði hann.
