Kvikmyndafyrirtækið Paramount Pictures gaf í dag út fyrstu stiklu og nýtt plakat, fyrir Ben-Hur, sem er byggð á sígildri bók Lew Wallace; Ben-Hur: A Tale of the Christ.
Með helstu hlutverk í myndinni fara þau Jack Huston, Toby Kebbell, Toby Kebbell, Morgan Freeman, Rodrigo Santoro, Nazanin Boniadi, Ayelet Zorer og Sofia Black-D’Elia.
Myndin er sögð fjalla um fyrirgefninguna, og mun Jesús Kristur koma við sögu nokkrum sinnum í myndinni.
Ben-Hur sér Jesús predika í Jerúsalem og verður svo vitni að krossfestingu hans. Jack Huston leikur Ben-Hur, sem er prins Gyðinga, en er svikinn og seldur í þrældóm af fyrrum vini sínum Messala, sem Toby Kebbell leikur. Morgan Freeman leikur manninn sem þjálfar Ben-Hur í akstri á kappaksturshestvögnum, en Ben-Hur vinnur slíka keppni.
Judah snýr heim mörgum árum síðar til að leita hefnda, en fær endurlausn.
Sjáðu stikluna hér fyrir neðan og plakatið þar fyrir neðan. Myndin verður frumsýnd á Íslandi 12. ágúst nk.
