Hollywoodleikstjórinn Baltasar Kormákur sést í nýju 2 Guns myndbandi að segja stórleikurunum Denzel Washington og Mark Wahlberg til á tökustað myndarinnar, en þeir leika aðalhlutverk í myndinni sem verður frumsýnd nú í byrjun ágúst.
Í myndbandinu eru sýnishorn úr myndinni, stutt viðtöl við framleiðanda myndarinnar, við leikarana og við Baltasar sjálfan.
Sjáðu myndandið hér fyrir neðan:
2 Guns er gerð eftir teiknimyndasögu Steve Grant. Myndin verður frumsýnd 2. ágúst í Bandaríkjunum og fimm dögum síðar hér á landi. Aðrir leikarar eru m.a. Bill Paxton, Paula Patton, James Marsden, Edward James Olmos og Evie Thompson.
Myndin fjallar um eiturlyfjalögreglumann og mann úr leyniþjónustu sjóhersins sem fá það verkefni að rannsaka hvorn annan. Þeir komast síðan að því að mafían stendur á bakvið málið allt – sem er einmitt aðilinn ( þ.e. mafían ) sem báðir menn telja sig hafa verið að stela pening af.
