Ævintýrið heldur áfram

Þessi grein birtist fyrst í nóvemberhefti Mynda mánaðarins. 

Annar hluti ævintýrsins um hobbitann Bilbó Baggins og hina mörgu félaga hans og andstæðinga heldur áfram í myndinni The Desolation of Smaug sem frumsýnd verður í desember.

hobbit

Það bíða sjálfsagt margir eftir framhaldi fyrsta hluta sögunnar, An Unexpected Journey, en þar sagði frá upphafi hins óvænta ferðalags Bilbós með Gandálfi galdrakarli og dvergunum þrettán undir forystu Thorins Oakenshield sem ætla sér að vinna á ný hið horfna konungsdæmi dvergana í Einmanafjöllum þar sem hinn ógurlegi dreki Smaug hefur hreiðrað um sig á gullinu sem hann komst yfir fyrir 60 árum. Eftir að hafa lifað af ferðalagið í gegnum Þokufjöll heldur hópurinn áfram í austur þar sem hann kemst í kynni við marga nýja óvini, þar á meðal hina hættulegu skógarálfa og grimmar risakóngulær í Myrkraskógi. Hamskiptingurinn Beorn kemur einnig mikið við sögu og Bilbó Baggins finnur hringinn sem Gollum hafði týnt. Dvergarnir leita eftir stuðningi álfanna sem leiddir eru af álfakónginum Thranduil og syni hans, Legolas, sem Orlando Bloom leikur hér á ný. Hópurinn kemst síðan til Vatnabæjar og að lokum alla leið að Einmanafjalli þar sem þeirra bíður barátta við hættulegasta óvininn af þeim öllum, hinn illa og eldspúandi dreka Smaug. Þar þarf Bilbó að uppfylla það stórhættulega verkefni sitt að finna leynihurðina sem varðar leiðina inn í fyrrverandi ríki dverganna.

Og nú er bara að láta sig hlakka til föstudagsins 13. desember þegar The Hobbit: The Desolation of Smaug verður frumsýnd.