Í þriðja sinn í þessum mánuði hefur kvikmynd lekið á netið ÁÐUR en hún er frumsýnd í kvikmyndahúsum.
Fyrst lak Hostel: Part II og það næstum því í nógu góðum gæðum fyrir DVD útgáfu. Leikstjórinn, Eli Roth, varð svimandi reiður og kenndi þessu um dræma aðsókn á myndina.
Næst lak Sicko, heimildarmynd Michael Moore um heilsukerfi Bandaríkjanna. Eintakið sem lak var í mjög góðum gæðum, sem gerði dreifingaraðilann áhyggjufullan, þótt Moore sjálfur virðist ekki vera mjög hissa.
Nú síðast lak Disney/Pixar myndin Ratatouille, en ólíkt hinum tveimur er eintakið í mjög slæmum gæðum, enda tekið upp með myndavél sem beint er að kvikmyndatjaldinu.
