Iceland Film Festival stendur fyrir kvikmyndahátíð í Háskólabíói og Regnboganum dagana 30. ágúst – 20. september og verða sýndar þar um það bil 40 nýjar kvikmyndir. Meðal þeirra mynda, sem sýndar verða eru kvikmyndir óháðra framleiðanda í Bandaríkjunum og heimildarmyndir frá öllum heimshornum.
IFF hefur tilkynnt um sex myndir sem sýndar verða á hátíðinni. Þetta eru Dave Chapelle’s Block Party, Enron: The Smartest Guys in the Room, sem er heimildarmynd um viðskiptahneyksli í Bandaríkjunum, The Libertine, eftir Laurence Dunmore með Johnny Depp í aðalhlutverki, The Wind that Shakes the Barley eftir breska leikstjórann Ken Loach, suður-afríska myndin Tsotsi og A Cock and Bull Story eftir breska leikstjórann Michael Winterbotton, sem m.a. gerði Nine Songs.
ATH! Heimildir af vefnum www.mbl.is