Tony Soprano sjálfur, James Gandolfini, mun leika á móti þeim Ben Affleck og Christina Applegate í kvikmyndinni Suriving Christmas. Í myndinni leikur Affleck mann einn sem snýr aftur í heimabæ sinn og heimsækir æskuheimili sitt í von um að lyfta sér upp úr hátíðarþunglyndinu sem hrjáir hann. Gandolfini leikur síðan núverandi eiganda hússins, sem Affleck treður sér upp á. Applegate leikur síðan að sjálfsögðu dóttur hans, sem Affleck verður á endanum ástfanginn af. Myndinni verður leikstýrt af Mike Mitchell ( Deuce Bigalow: Male Gigolo ).
