Ákveðið hefur verið að gera framhaldsmynd myndarinnar Beverly Hills Ninja frá árinu 1997, en hinn goðsagnakenndi Chris Farley lék stórt hlutverk í því ,,meistaraverki“. Framhaldsmyndin mun bera nafnið Beverly Hills Ninja 2 og skartar David Hasselhoff í aðalhlutverki.
Aðrir leikarar í myndinni eru Lucas Grabeel úr High School Musical og Lin Chiling sem er óþekkt. Myndin fjallar um munaðarlausan strák sem flækist í glæpafélag þegar hann leitar að foreldrum sínum. Persóna David Hasselhoff heitir Ansel LaDouche og á að vera ill kvikmyndastjarna (nei þetta er ekki grín).
Tökur hefjast 6.október í Suður Kóreu, en útgáfudagsetning hefur ekki verið ákveðin.