Örmyndahátíð Örvarpsins, í samstarfi við Rúv, Nýherja og Bíó Paradís, verður haldin hátíðleg laugardaginn 7. mars n.k. í Bíó Paradís. Þetta er annað tímabil hátíðarinnar, en um er að ræða 12 örmyndir sem voru valdar inn á hátíðina í haust af Björgu Magnúsdóttir, dagskrárgerðarkonu og Guðmundi Arnari Guðmundssyni kvikmyndagerðarmanni. Myndirnar eru eins ólíkar og þær eru margar – dansmyndir, heimildarmyndir, gjörningar, frásagnir, innsetningar og animation, svo dæmi megi nefna.
Auk þeirra mynda sem voru valdar á hátíðina munu stjórnendur velja nokkrar örmyndir aukalega til að hafa til sýningar með í hópnum – til að auka áhrif og upplifun fyrir áhorfendur, en einnig til að sýna fram á fjölbreytileikann í örmyndum.
Í lok sýningar verður svo valin örmynd ársins á RÚV og einnig veitt áhorfendaverðlaun. Vegleg verðlaun verða í boði Nýherja umboðsaðila Canons á Íslandi.
Húsið opnar kl 18:00 og lýkur formlegri dagskrá um 21:00. Léttar veitingar verða í boði, frítt inn og allir velkomnir.
Dómnefndinina skipa þau Hafsteinn Gunnar Sigurðsson, Davíð Óskar Ólafsson og Margrét Elísabet Ólafsdóttir. Heiðursgestur hátíðarinnar er Andri Snær Magnason og kynnir kvöldsins verður Davíð Kjartan Gestson.
Samtals verða sýndar um 20 örmyndir. Meðal þeirra mynda sem verða sýndar á hátíðinni eru myndir eftir Kitti Von-Sometime, Ara Alexander Ergis, Laufeyu Elíasardóttur, Kristján Lyngmo, Halldóru Óla, Þórunni Ylfu, Höllu Míu, Björk Viggós, Ragnheiði Hörpu, Helenu Stefánsdóttur o.fl
