Gamanleikarinn og Óskarsverðlaunahafinn Robin Williams er kominn aftur á kreik, en eins og við sögðum frá hér á dögunum þá verða nýir sjónvarpsþættir með honum og Sarah Michelle Gellar, The Crazy Ones, á dagskrá sjónvarpsstöðvarinnar bandarísku CBS næsta vetur.
Ný stikla er komin fyrir þættina sem fjalla um samband Simon Roberts, sem leikinn er af Williams, og dóttur hans Sydney, sem leikin er af Gellar.
Sjáðu stikluna hér fyrir neðan:
Simon Roberts er mikils virtur sérfræðingur í auglýsingageiranum, en aðferðir hans er ekki alltaf venjulegar, og hegðun hans er sömuleiðis oft það óvenjuleg að hann yrði örugglega rekinn fljótt, ef hann væri ekki forstjóri fyrirtækisins.
Sydney dóttir hans er algjör andstæða hans, einbeitt, skipulögð og ákveðin í að skapa sér nafn innan geirans á eigin spýtur. Það fer samt ansi mikill tími hjá henni í að ala upp pabba sinn.
Í fyrirtækinu með þeim vinnur hinn heillandi og hæfileikaríki Zach, leikinn af James Wolk, hönnunarstjórinn Andrew, leikinn af Hamish Linklater, og hinn fallegi og klári einkaritari Lauren, leikin af Amanda Setton.
Með starfslið sitt og dóttur sér við hlið setur Simon auglýsingaheiminn reglulega á annan endann.