Where in the World Is Osama Bin Laden?
Öllum leyfð
Heimildarmynd

Where in the World Is Osama Bin Laden? 2008

Frumsýnd: 31. október 2008

6.5 5793 atkv.Rotten tomatoes einkunn 37% Critics 6/10
90 MÍN

Morgan Spurlock hefur jafnað sig eftir hamborgaraátið og heldur á vit ævintýranna í leit að eftirsóttasta manni jarðarinnar - Osama Bin Laden. Hann endar á því að ferðast um Miðausturlöndin og ræða stríðið við innfædda.

Aðalleikarar

Morgan Spurlock

Morgan Spurlock

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (1)

Ekkert nýtt
Ef að heimildarmynd á að ganga upp, þá þarf hún að vera áhugaverð, fróðleg eða bara einfaldlega skemmtileg. Where in the World is Osama Bin Laden (óþolandi langur titill) er ekkert af þessu þrennu. Myndin er ágætis innlit inn í annan menningarheim og hefur ýmsar þrælfínar senur sem að standa upp úr, en almennt séð er þessi mynd voða stefnulaus og ómerkileg. Skilaboðin eru fyrirsjáanleg frá fyrsta ramma og Morgan Spurlock í raun segir okkur ekkert sem maður þegar vissi ekki. Super Size Me þjáðist reyndar af svipuðu vandamáli, en hún hafði mun áhugaverðara umfjöllunarefni sem náði víðar. Auk þess var hún meira spennandi að því leyti að leikstjórinn lagði nánast líf sitt í hættu fyrir skyndibitann.

Ég fíla Spurlock talsvert. Það er gaman að horfa á hann og í þokkabót er hann ekki laus við húmor. Nærvera hans heldur þessari mynd tæplega á floti. Myndin sjálf verður aldrei leiðinleg en upplýsingarnar voru voða óspennandi og, það sem verra er, Spurlock feilaði eiginlega á því að gera þær spennandi. Where in the World... skilur sama og ekkert eftir sig. Það er þó áberandi að myndin sé voða persónuleg gagnvart Spurlock, og það kemst vel til skila. Hins vegar finnst manni alltaf eins og hann hafi aldrei tekist að matreiða nægilega áhugaverða heild úr efninu sem hann myndaði.

Ég væri gjarnan til í að sjá meira frá Spurlock, þá aðallega vegna þess að ég er mikill aðdáandi Super Size Me og finnst það vera mjög vel heppnuð mynd. Ég held samt að hann ætti að halda sig frá pólitísku hliðum heimsins og láta einhvern eins og Michael Moore um slíkt.

5/10

Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn