Nýtt kynningarmyndband fyrir ofurhetjumyndina Green Lantern var að detta í hús. Í myndbandinu, sem ber titilinn World of Green Lantern, eru sýnd brot úr myndinni, litið er bakvið tjöldin, og rætt við leikara, leikstjóra og fleiri sem koma að gerð myndarinnar. Meðal annars er rætt við aðalleikarann Ryan Reynolds, sem leikur The Green Lantern, og Blake Lively, sem leikur aðalkvenhlutverkið.
Green Lantern fjallar um það þegar tilraunaflugmaður fær dulafullan grænan hring sem færir honum yfirnáttúrulega krafta. Hringnum fylgir einnig aðild að milli-stjörnukerfa flokki sem hefur það verkefni að vinna að friði í alheiminum.
Myndbandið er hægt að skoða með því að smella hér, eða þá að smella á linkinn undir vídeóspilaranum á forsíðunni.